Zekaria 13:1-9
13 “I tera mahana, e iritihia te hoê apoo pape ia nehenehe te huaai o Davida e te feia no Ierusalema e tamâ ia ratou i ta ratou hara e to ratou viivii.+
2 “I tera mahana,” te na reira mai ra Iehova o te mau nuu,* “e tumâ vau i te mau iˈoa o te mau idolo i teie fenua,+ e eita ratou e haamanaˈo-faahou-hia. E tamâ vau i teie fenua i te mau peropheta+ e te hinaaro* i te viivii.
3 E ia tohu faahou te hoê taata, e parau to ˈna metua tane e to ˈna metua vahine o tei fanau mai ia ˈna: ‘Eita oe e ora, ua haavare hoi oe i te iˈoa o Iehova.’ E patiahia oia e to ˈna metua tane e to ˈna metua vahine o tei fanau ia ˈna no te mea ua tohu oia.+
4 “I tera mahana, e haama te mau peropheta i ta ratou orama ia tohu ratou. E eita ratou e oomo i to ratou ahu huruhuru+ no te haavare i te taata.
5 E parau ratou: ‘E ere au i te peropheta. E taata faaapu vau, ua hoo mai hoi te hoê taata ia ˈu i to ˈu apîraa ra.’
6 Ia ui te tahi ia ratou: ‘Eaha tera mau pepe i ropu i to oe na tapono?’* E pahono ratou: ‘Ua haapepehia vau i te fare o to ˈu mau hoa.’”*
7 “E te ˈoˈe, ia tia oe i mua i to ˈu tiai mamoe,+I mua i to ˈu hoa,” te na reira mai ra Iehova o te mau nuu.
“A tairi i te tiai mamoe,+ e ia purara ê te nǎnǎ.*+E e aˈo vau i te feia haihai.”
8 “E i teie fenua taatoa,” te na reira mai ra Iehova,“E iriti-ê-hia e piti tuhaa o te feia no reira e e pohe ratou.E e vaiihohia te toru o te tuhaa i reira.
9 E aratai au i te toru o te tuhaa na roto i te auahi.E tamâ vau ia ratou mai te ario ia tamâhia,E e hiˈopoa vau ia ratou mai te auro ia hiˈopoahia.+
E tiaoro ratou i to ˈu iˈoa,E e pahono vau ia ratou.
E parau vau: ‘E nunaa ratou no ˈu,’+
E e parau ratou: ‘O Iehova to matou Atua.’”
