Zekaria 11:1-17

  • Faahopearaa o te patoiraahia te tiai mamoe mau a te Atua (1-17)

    • “A aupuru i te mau mamoe i tuuhia ˈtu ia tupaihia” (4)

    • E piti raau: o Hamani maitai e o Auhoêraa (7)

    • Aufauraa i te tiai mamoe: 30 moni ario (12)

    • Taorahia te moni i roto i te vairaa taoˈa o te hiero (13)

11  “A iriti i to mau uputa, e Lebanona,Ia pau ta oe mau tumu arezi i te auahi.   A auê, oe te tumu berusi, ua marua hoi te tumu arezi.Ua faaorehia te mau tumu raau hanahana! A auê, outou te mau tumu alona no Basana,Ua tairihia hoi te uru raau ruperupe!   A faaroo na! Te auê nei te mau tiai mamoe,Ua ere hoi ratou i to ratou hanahana. A faaroo na! Te uuru nei te mau liona apî,Ua faaorehia hoi te mau uru aihere meumeu na pihai iho i Ioridana.  “Teie ta Iehova to ˈu Atua e parau ra: ‘A aupuru i te mau mamoe i tuuhia ˈtu ia tupaihia.+  Te tupaihia ra ratou+ e te feia i hoo mai ia ratou,+ aita râ ratou e faahapahia ra. E te parau ra te feia o tei hoo atu ia ratou: “Ia aruehia Iehova, e monihia hoi au.” Aita to ratou mau tiai e aroha ra ia ratou.’+  “‘Eita vau e aroha faahou i te feia no teie fenua,’ te na reira mai ra Iehova. ‘E tuu ïa vau i te taata tataitahi i te rima o to ˈna taata tapiri e o to ˈna arii. E tairi ratou i teie fenua e eita vau e faaora ia ratou i to ratou rima.’”  Ua haamata vau i te aupuru i te mau mamoe i tuuhia ia tupaihia,+ no outou, e te mau mamoe o te nǎnǎ o te mauiui ra. Ua rave ïa vau e piti raau e ua pii au hoê o Hamani maitai e te tahi o Auhoêraa,+ e ua haamata vau i te aupuru i te nǎnǎ.  E ua vaiiho vau e toru tiai mamoe i roto hoê avaˈe, ua ravai hoi au i te faaoromai ia ratou, e e hae atoa to ratou ia ˈu.  Na ô atura vau: “Eita vau e aupuru faahou ia outou. Ia pohe te haere pohe ra. O te iriti-ê-hia ra, ia iriti-ê-hia ïa. E te toea, ia amu te tahi i to te tahi atu iˈo.” 10  Rave atura ïa vau i ta ˈu raau o Hamani maitai+ e tâpû ihora vau i te reira. Ua faaore ïa vau i te faufaa ta ˈu i faaau i te nunaa taatoa. 11  Ore ihora ïa te faufaa i tera mahana. Ua taa i te mau mamoe o te nǎnǎ o te mauiui ra e o te mataitai noa mai ra ia ˈu e no ǒ mai ia Iehova teie poroi. 12  Na ô atura vau ia ratou: “Ia tia ia outou, a aufau mai i ta ˈu moni. Ia ore râ, a tapea noa ˈtu ïa.” Aufau maira ïa ratou ia ˈu:* 30 moni ario.+ 13  Na ô maira Iehova ia ˈu: “Tera te moni i faitohia ˈi au.+ A taora i teie tino moni rahi i te vairaa taoˈa.” Rave atura ïa vau i na 30 moni ario e taora ˈtura i te reira i roto i te vairaa taoˈa o te hiero o Iehova.+ 14  Tâpû atura vau i te piti o te raau, oia hoi te Auhoêraa.+ Ma te na reira, ua faaore au i te autaeaeraa i rotopu ia Iuda e Iseraela.+ 15  Na ô maira Iehova ia ˈu: “I teie nei, a rave i te mauhaa a te hoê tiai mamoe haapaoraa ore.+ 16  E vaiiho hoi au i te hoê tiai mamoe ia tia mai i teie fenua. Eita oia e tâuˈa i te mau mamoe o te haere pohe ra.+ Eita oia e imi i te mau mamoe apî, eita oia e rapaau i tei pepe,+ eita oia e faaamu i te mau mamoe e nehenehe â e tia i nia. E amu râ oia i te iˈo o te mea poria+ e e iriti oia i te maiuu o te mau mamoe.+ 17  Ua ati to ˈu tiai mamoe haapaoraa ore,+ o te faarue ra i te nǎnǎ!+ E tairi te tahi ˈoˈe i to ˈna rima e to ˈna mata atau. E paruparu* roa to ˈna rima,E e po roa to ˈna mata atau.”

Nota i raro i te api

Heb: “Faito aˈera ïa ratou i ta ˈu moni.”
Heb: “mǎrô.”