Zekaria 9:1-17

  • Faautuaraa a te Atua i te mau nunaa ati aˈe (1-8)

  • Taeraa mai te arii o Ziona (9, 10)

    • Hoê arii mea haehaa e te na nia ra i te hoê asini (9)

  • E faatiamâhia te nunaa o Iehova (11-17)

9  Teie te tahi faautuaraa no ǒ mai i te Atua ra: “No te fenua o Hadareka te parau a Iehova,E o Damaseko ta ˈna fa,*+Tei nia hoi to Iehova mata i te huitaata+E te mau opu atoa o Iseraela.   No Hamata+ atoa taua parau ra, te oire i pihai iho noa ˈtu,E no Turia+ e Sidona,+ te manaˈo ra hoi raua e paari rahi to raua.+   Ua patu Turia i te hoê aua paruru* no ˈna iho. Ua haaputu oia i te ario mai te repoE te auro mai te vari o te mau aroâ.+   Inaha, e haru Iehova i ta ˈna faufaa,E tairi oia i ta ˈna nuu a taora ˈtu ai i roto i te miti.*+E pau tera oire i te auahi.+   E ite Asekelona i te reira e e mǎtaˈu oia.E ahoaho roa Gaza,O Ekerona atoa, e faahaamahia hoi to ˈna tiaturiraa. E pohe te tahi arii no Gaza,E aita e taata e parahi i Asekelona.+   E taata ê te parahi i Asadoda,E e iriti ê au i te teoteo o te Philiseti.+   E iriti au i te mau mea i viiviihia i te toto mai roto mai i te vaha o te PhilisetiE te mau mea faufau mai roto mai i to ˈna mau area niho,E te feia o to ˈna nunaa o te toe mai, no te Atua ïa ratou.E riro oia mai te hoê raatira i Iuda,+E e riro Ekerona mai te taata ati Iebusi.+   E puhapa vau i mua i to ˈu fare+ mai te hoê tiai,*Eiaha hoê ia tomo mai e ia hoˈi atu.Aita e tiaau ohipa* e haere faahou na reira,+Ua ite hoi au i te reira* i to ˈu iho mata.   Ia oaoa roa oe, e te tamahine o Ziona! A huro, e te tamahine o Ierusalema! A hiˈo na! Te haere mai ra to oe arii ia oe ra.+ Mea parau-tia oia e e faaora oia.*Mea haehaa+ oia e te na nia ra i te hoê asini,Te hoê fanauˈa asini, te fanauˈa a te hoê asini ufa.+ 10  E faaore au i te pereoo tamaˈi i EpheraimaE te puaahorofenua i Ierusalema. E faaorehia te fana tamaˈi. E e faaite haere oia i te hau i te mau nunaa.+E tae to ˈna mana faatere mai te tahi miti i te tahi atuE mai te Anavai* e tae atu i te hopea o te fenua.+ 11  Area oe, e Ziona, na roto i te toto o ta oe faufaa,E tatara vau i to oe feia i tapeahia mai roto mai i te apoo aita e pape.+ 12  A hoˈi mai i te haapuraa, outou te feia i tapeahia, e tiaturiraa to outou.+ Te parau atu nei au ia oe i teie mahana:‘E tuhaa tataipitihia ta ˈu e faahoˈi atu na oe,+ e Ziona. 13  E faatô* hoi au ia Iuda mai te hoê fana. E tuu vau ia Epheraima i nia i te fana.*E rave au i to mau tamaiti, e Ziona,Ei patoi i to mau tamaiti, e Heleni,E e faariro vau ia oe mai te ˈoˈe a te hoê taata tamaˈi.’ 14  E itehia Iehova i nia ia ratou,E e reva ta ˈna teˈa mai te uira. E faaoto te Arii hau ê e Fatu ra o Iehova i te pu,+E e nuu oia e te mau mataˈi rorofai no apatoa. 15  E paruru Iehova o te mau nuu* ia ratou,E upootia ratou i nia i te mau ofai taora a te enemi.+ E oaoa ratou a tutuô atu ai mai te huru ra e ua inu i te uaina.E faaîhia ratou mai te auˈa,Mai te mau poro o te fata.+ 16  I tera mahana, e faaora Iehova to ratou Atua ia ratou,Na ˈna hoi tera nǎnǎ, e nunaa ratou no ˈna.+E purapura hoi ratou i nia i to ˈna fenua mai te mau ofai maitai roa i nia i te hoê hei upoo.+ 17  E maitai rahi hoi to ˈna,+E e nehenehe rahi to ˈna! E horoa te huero maa i te puai i te mau tane apîE e horoa te uaina apî i te puai i te mau tamahine apî.”*+

Nota i raro i te api

Heb: “to ˈna vahi faafaaearaa.”
Aore ra “haapuraa.”
Huri-atoa-hia “E tairi oia i ta ˈna nuu i nia i te miti.”
Eita e ore to te nunaa ati.
Aore ra “taata haavî.”
Aore ra “puhapa faehau.”
Aore ra “mea manuïa oia.”
Oia hoi Eupharate.
Heb: “taahi.”
Oia hoi mai te hoê teˈa.
Aore ra “sabaota.”
Heb: “aita i taoto aˈenei i te tane.”