Iona 2:1-10
2 Pure atura Iona ia Iehova to ˈna Atua mai roto mai i te opu o te iˈa.+
2 Ua parau oia:
“I roto i to ˈu ati, ua tiaoro vau ia Iehova, e ua pahono oia ia ˈu.+
I roto i te mau vahi hohonu* o te Apoo* ua pii au no te tauturu.+
Ua faaroo mai oe i to ˈu reo.
3 I te huriraa oe ia ˈu i roto i te mau vahi hohonu, i ropu mau i te moana,Ua haaatihia vau e te opape.+
Ua tapoˈi ta oe mau vavea e are atoa ia ˈu.+
4 Na ô atura vau: ‘Ua tiahihia vau mai mua mai i to mata!
E nafea vau e hiˈo faahou ai i to hiero moˈa?’
5 Ua haaatihia vau e te pape e fatata roa vau i te pohe.+Ua tapoˈi te mau pape hohonu ia ˈu.
Ua tafifi te remu na nia i to ˈu upoo.
6 Ua topatari au i raro roa i te tumu o te mau mouˈa.
Ua piri te mau uputa o te fenua i muri ia ˈu e a muri noa ˈtu.
Ua tatara mai râ oe i to ˈu ora mai roto mai i te apoo, e Iehova to ˈu Atua.+
7 A fatata roa ˈi au i te pohe, o Iehova ta ˈu i haamanaˈo.+
Tae atura ta ˈu pure ia oe ra, i roto i to hiero moˈa.+
8 Te feia o tei ati maite i te mau idolo faufaa ore, ua faarue ïa i tei faaite i te here taiva ore ia ratou.*
9 O vau râ, e pûpû vau i te tusia ia oe ma te reo haamauruuru.
E faatupu vau i ta ˈu i euhe.+
Na Iehova e faaora.”+
10 Na nia i te faaueraa a Iehova, pihaˈe maira te iˈa ia Iona i nia i te fenua.
