Kroniku u Hiihii 13:1-14
13 Tsô Davidi lam a mbahemenev mba ior dubu dubu man ior deri deri, kua hanma orhemen cii.+
2 Maa Davidi ôr a nongoior u Iserael cii ér: “Aluer ne nenge doo ne, shi ka sha ishima i Yehova Aôndo wase yô, de se tindi nen loho hen anmgbianev asev mba ve mase shin sha uharegh mba Iserael la cii, kua hen upristi man Mbalevi mba ve lu ken agar a ve,+ ve lu a ajiir a ilev vev yan toho la, ve va, ve va kohol se.
3 Se za hide a Areki+ u Aôndo wase.” Sha ci u yange i nenge sha mi sha ayange a Saulu la ga.+
4 Nahan nongoior la cii lumun a kwagh la, sha ci u lu kwagh u doon ior cii.
5 Tsô Davidi kohol Iserael cii, hii hen ifi* u Mbaigipiti zan zan za nyôr Lebo-hamati,*+ sha er vea za tôô Areki u Aôndo u mimi, hen Kiriati-yearim vea hide a mi yô.+
6 Maa Davidi man Mbaiserael cii kôndo sha Baala,+ kar yem Kiriati-yearim u Yuda, sha er vea za tôô Areki u Yehova, Aôndo u mimi, un u a tem sha ikyônough nagh ki torough sha* ucerubi,+ ape i yer sha iti na la, vea hide a mi yô.
7 Nahan kpa, ve tôô Areki u Aôndo u mimi la, ve penda sha ikyekye i tôôn ikyav i he,+ ve mough a mi hen ya u Abinadabi; Usa man Ahio hemen ikyekye la gbenda.+
8 Davidi man Iserael cii lu ember sha ishigh ki Aôndo u mimi a agee a ve cii, ve lu wan atsam a mbaadiguve man akaa a kuhwan kwagh agen a lun a ikyar, man angengav+ man myôm ma kuhwan+ man ibusa.+
9 Kpa mba va nyer hen vande u gbidyen iyiav u Kidon yô, Usa za uwegh kôr Areki la, sha ci u ibua nôngo u tan un inya.
10 Nahan ishima vihi Yehova a Usa tsung, a wua un, sha ci u a naregh uwegh a ker Areki shon yô,+ nahan a kpe her, sha ishigh ki Aôndo.+
11 Kpa ishima vihi Davidi er ishimavihin i Yehova sen sha Usa yô; nahan mba yer ijiir la ér Perese-usa,* zan zan nyian.
12 Nahan kwagh u Aôndo u mimi cier Davidi iyol sha iyange la, maa a kaa ér: “A er nan man me va a Areki u Aôndo u mimi la hen a mo?”+
13 Nahan Davidi kera va a Areki la hen Gar u Davidi ape lu la ga, kpa gema yem a mi hen ya u Obedi-edom, Orgiti la.
14 Areki u Aôndo u mimi la lu hen ya u Obedi-edom, a tsa her iwer itiar, nahan Yehova lu veren ya u Obedi-edom doo doo, kua hanma kwagh u lu a mi cii.+
