Exoda 15:1-27
15 Ka nako eo Moshe le Baiseraele ba binela Jehova pina ena:+
“E-re ke binele Jehova kaha o phahame haholo.+
O lahletse pere le mopalami oa eona ka leoatleng.+
2 Jah* ke matla a ka le bonatla ba ka hobane ke mopholosi oa ka.+
Ke Molimo oa ka ’me ke tla mo rorisa.+ Ke Molimo oa Ntate+ ’me ke tla mo phahamisa.+
3 Jehova ke mohale ea matla.+ Jehova ke lebitso la hae.+
4 O lahletse likariki tsa Faro le masole a hae ka leoatleng,+Masole a hae a matla a tebetse tlase botebong ba Leoatle le Lefubelu.+
5 Maqhubu a leoatle a ba koahetse. Ba tebetse tlase bolibeng joaloka lejoe.+
6 Jehova, letsoho la hao le letona le matla haholo.+
Jehova, letsoho la hao le letona le ka thuhakanya sera.
7 Ka matla a hao a maholo u ka liha ba u loantšang.+
Khalefo ea hao ea tuka, e ba chesa joaloka litlhaka.
8 Ka phefumoloho e tsoang linkong tsa hao metsi a ile a bokelloa.
Metsi a ema joaloka lebota.
Maqhubu a hoama bohareng ba leoatle.
9 Sera sa re: ‘Ke tla ba lelekisa. Ke tla ba tšoara.
Ke tla arola thepa e hapuoeng ho fihlela ke khotsofetseKe tla hula sabole ea ka. Letsoho la ka le tla ba hlola.’+
10 U butsoetse moea oa hao, leoatle la ba koahela.+
Ba teba joaloka tšepe e boima* metsing a mangata.
11 Ke molimo ofe har’a melimo ea joaloka uena, Jehova?+
Ke mang ea joaloka uena, ea halalelang ka ho fetisisa?+
U lokela ho tšajoa le ho rorisoa ka lipina, uena ea etsang lintho tse makatsang.+
12 U otlollotse letsoho la hao le letona ’me lefatše la ba koenya.+
13 Ka mohau* oa hao u tsamaisitse sechaba seo u se lopolotseng.+
Ka matla a hao u tla se isa sebakeng sa hao sa bolulo se halalelang.
14 Lichaba li tla utloa,+ li tla thothomela.
Baahi ba Filistia ba tla ba mahlomoleng.*
15 Ka nako eo baeta-pele ba Edomo ba tla tšoha haholo,Babusi* ba matla ba Moabe ba tla thothomela.+
Baahi bohle ba Kanana ba tla nyahama.+
16 Ba tla tšoha ’me ba tšabe.+
E tla ba ba sa sisinyeheng joaloka lejoe ka lebaka la letsoho la hao le matlaHo fihlela sechaba sa hao se feta, Jehova,Ho fihlela sechaba seo u se fumaneng+ se feta.+
17 U tla se tlisa ’me u se hlome thabeng* ea hao,+Sebaka seo u se lokisitseng hore u lule ho sona, Jehova,Sebaka se halalelang seo matsoho a hao a se tiisitseng, Jehova.
18 Jehova o tla busa e le morena ka ho sa feleng.+
19 Ha lipere tsa Faro le likariki tsa hae tsa ntoa le banna ba hae ba palameng lipere ba kena leoatleng,+Jehova a khutlisetsa metsi a leoatle holim’a bona+Empa sechaba sa Iseraele sa tsamaea moo ho ommeng bohareng ba leoatle.”+
20 Moprofeta Miriame, khaitseli ea Arone a letsa moropa o monyenyane o letsohong la hae ’me basali bohle ba mo sala morao ka meropa e menyenyane ba ntse ba tantša.
21 Miriame a arabela pina e neng e binoa ke banna ba Iseraele a re:
“Binelang Jehova kaha o phahame haholo.+
O lahletse pere le mopalami oa eona ka leoatleng.”+
22 Hamorao Moshe a tlosa Baiseraele Leoatleng le Lefubelu ’me ba ea lefeelleng la Shure eaba ba tsamaea lefeelleng ka matsatsi a mararo empa ha baa ka ba fumana metsi.
23 Ba fihla Mara*+ empa ba ne ba sa khone ho noa metsi a teng hobane a ne a baba. Ke ka lebaka leo Moshe a ileng a reha sebaka seo Mara.
24 Batho ba korotlela Moshe+ ba re: “Re tla noa’ng?”
25 Moshe a hoeletsa ho Jehova+ ’me Jehova a mo bontša sefate. Ha a se lahlela ka metsing, metsi a ba monate.
Molimo o ne a etsa sena e le mohlala ho bontša sechaba hore na o lebeletse hore se etse’ng. O ne a se leka ho bona hore na se tla mo mamela kapa che.+
26 A re: “Haeba le mamela lentsoe la Jehova Molimo oa lona, le etsa seo a reng se nepahetse ’me le mamela litaelo le melao eohle ea hae,+ nke ke ka le tlisetsa boloetse leha e le bofe boo ke ileng ka bo tlisetsa Baegepeta+ hobane ’na Jehova, kea le folisa.”+
27 Ka mor’a moo, ba fihla Elime moo ho neng ho e-na le liliba tsa metsi tse 12 le lifate tsa palema tse 70. Ba hloma litente moo pel’a metsi.
