Te wan sma di ben e plugu a gron ben wani meki gotro di no kron, dan a no ben musu luku den sani di ben de na en baka. Na so a de tu taki wan Kresten no musu meki den sani di a libi na baka na ini a grontapu puru en prakseri.—Fp 3:13.
Te problema e miti wi, dan wi kan bigin angri fu ’a switi libi di wi ben abi’, fosi wi kon na ini a tru anbegi. A sani disi kan meki wi prakseri taki fosi wi ben abi moro prisiri na ini a libi èn taki wi no ben abi so furu problema leki now. Dati na san den Israelsma ben taki, baka di den gowe libi Egepte (Nu 11:5, 6). Efu wi e tan denki den sani di wi libi na baka, dan wi ben kan prakseri fu go libi a libi baka di wi ben abi fosi. A ben o moro bun fu teri den blesi di wi e kisi now èn fu tan prakseri den blesi di wi o kisi na ondro a tiri fu a Kownukondre!—2Kor 4:16-18.
