Sar te ovel tut celosno korist taro akava biblisko kursi
Rode nekoj te proučinel tuja: Šaj te rode biblisko kursi taro manuš so dengja tut akaja brošura ili te rode biblisko kursi preku amari internet-stranica jw.org.
PRVO DELO
Čitin sekova pasus, o pučiba (1) hem o bibliska stihija (2) kola so istakninena o glavna misle. Primetin kaj nesave stihija tane posebno obeležime te čitinen pe.
SREDNO DELO
O početno teksti (3) ko delo Doznajn poviše objasninela bašo so ka kerel pe lafi ko akava delo. O podnaslovija (4) sikavena o glavna misle. Čitin o bibliska stihija, odgovorin ko pučiba hem dikh o videoklipija (5).
Razmislin bašo slike (6) hem sar bi odgovorinea ko pučibe taro delo Nesave šaj vakerena (7).
POSLEDNO DELO
I lekcija završinela e deloncar So siklilem hem Sar ka odgovorine? (8). Pišin o datum keda završingjan i lekcija. Ko delo Cel (9) pišinela ko so valjani te kere buti. Ko delo Istražin (10) isi dodatno materijali so šaj ka mange te čitine ili te dikhe.
Sar te arakhe o bibliska stihija
Ko bibliska stihija tano pišimo o biblisko lil (1), o poglavje (2) hem o stiho ili o stihija (3). Na primer, ko Otkrovenie 21:3 mislinela pe ko lil Otkrovenie, 21 poglavje, 3 stiho.
Šaj isto ka interesinel tut
NAJČESTA PUČIBA
Sar izgledinela o biblisko kursi so nudinena e Jehovaskere svedokija?
Džikote ikerela pe o besplatno biblisko kursi, šaj te koristine bilo kova prevod tari Biblija. Ko kursi šaj te kanine nekas tari tli familija ili nesave amale.
