A bun nyunsu fu Yesus
Kon leri moro fu Yesus Krestes, a Manpkin fu Gado èn a Ferlusuman fu libisma na ini den span felem disi.
A bun nyunsu fu Yesus—Serie overzicht
Luku fa den Evanglietori e kon na libi na ini a span felem serie disi di e taki fu a libi fu Yesus.
Felem 1: A tru leti fu grontapu
Fa a libisma famiri ben o kisi ferlusu fu a sondu di den kisi fu Adam? A Mesias na a wan-enkri howpu di den abi.
Felem 2: „Disi na mi Manpkin”
Yohanes a Dopuman e sreka a pasi gi a Mesias. Luku den span sani di e sori taki Yesus bigin nanga a wroko fu en dyaso na grontapu!
Felem 3: „Mi na a sma dati”
Yesus ben sori Nikodeimus, na uma fu Samaria nanga den sma fu Nasaret taki en na a Mesias, ma na soso den reti’sma ben poti bribi na ini en. Baka di a du wan bigi wondru, a kari wan tu fisiman di ben abi sakafasi fu waka na en baka.
Felem 4: „Na fu dati ede mi kon”
Yesus e sori taki a abi a makti fu dresi sma èn fu puru ogri yeye na sma tapu. Ma son sma ben e gens en èn den ben wani kiri en. Fu di Yesus ben firi gi sma èn fu di a ben sabi fa fu leri sma sani, meki furu sma e tron bakaman fu en èn a e poti 12 man leki apostel.
Felem 5: „Ala den sma ferwondru fu a fasi fa a ben gi leri”
Baka di Yesus dresi wan bigi grupu sma, a e bigin leri den sani na wan kfalek moi fasi. Nowan fu den leriman fu a pipel ben man gi leri na sowan fasi. Den sma ben ferwondru fu si fa a ben e taki nanga dek’ati, fa a ben e gebruik agersitori èn fa den ben man gebruik den sani di a ben taki na ini den aladei libi.
Felem 6: „Na yu na a sma di ben o kon?”
Yesus e sori taki a abi a makti fu wiki den dedewan. Den wondru di a e du nanga den moi sani di a e leri sma e sori fa den arkiman fu en e denki dipi na ini den ati. Yesus e gebruik moi agersitori fu leri sma difrenti sani di abi fu du nanga a Kownukondre.
A bun nyunsu fu Yesus—Trailer fu a felem serie
Luku a trailer fu a span serie di e tyari den Evangelietori kon na libi.
