PARTE 2
«Liʼe jaʼ Jnichʼon»
(Kʼu sjalil chjalij: 52:46).
Li Juan J˗akʼ˗ichʼvoʼe laj yal ti vul xa li Mesiase. Lik xchol mantal li Jesuse. Li video liʼe jaʼ chalbe skʼoplal li loʼiletik liʼe:
Lik xchol mantal li Juan J-akʼ-ichʼvoʼe (Lukas 3:1, 2; Juan 1:6).
Li Juane chalbe skʼoplal li sakil osile (Juan 1:7, 8).
Li Juane chalbe skʼoplal li ichʼvoʼe (Mateo 3:1-12; Lukas 3:3-18; Markos 1:1-8).
Chichʼ voʼ li Jesuse (Mateo 3:13-17; Markos 1:9-11; Lukas 3:21, 22).
Li chʼul espiritue laj yikʼ batel Jesus ta takixokol balumil (Markos 1:12, 13; Mateo 4:1; Lukas 4:1, 2).
Snitilulaltak Jesukristo (Lukas 3:23-38; Mateo 1:1-17).
Li Jesuse muʼyuk stsʼuj li ta prevaetik laj yakʼ Diabloe (Mateo 4:2-11; Lukas 4:3-13).
Li Juane jamal laj yal ti maʼuk Kristoe, jaʼ noʼox la ti buchʼu ch˗avan ta takixokol balumile (Juan 1:19-28).
Xi laj yal li Juane: «¡Kʼelavil li Xchʼiom Chij Dios ti chchʼay mulil ta balumile!» (Juan 1:29-31).
Li Juane laj yal ti yal tal chʼul espiritu ta stojolal li Jesuse xchiʼuk laj yalbe skʼoplal li buchʼu chakʼ ichʼvoʼ ta chʼul espiritue (Juan 1:32-34).
Li yajtsʼaklomtak Juane jaʼ xa la stsʼakliik batel li Jesuse (Juan 1:35-39).
Li Andrese laj yikʼ batel ta stojolal Jesus li Pedroe (Juan 1:40-42).
Li Felipe xchiʼuk Natanaele ochik ta yajchankʼop Jesus (Juan 1:43-51).
Kʼalal jaʼo yakal jun kʼin nupunel ta Kana ta Galileae, li Jesuse la skʼatajes ta vino li voʼe (Juan 2:1-12).
La xchʼuba ta sba velta templo ta Jerusalen li Jesuse (Juan 2:13-17).
Li Jesuse laj yalbe jkontrainvanej judaetik ti ta oxib noʼox kʼakʼal tsvaʼan li temploe (Juan 2:18-22).
Ep buchʼutik laj yakʼ xchʼunel yoʼontonik ta stojolal Jesus kʼalal laj yilik li skʼelobiltak juʼelal la spase (Juan 2:23-25).
