LÉZIʼI 17
Yéeso laa yèe nti gning?
Fʉʼ yié pégé tong choum sié Yéeso la gʉo fʉʼ yié a laa ndoumo ssé tsétsaʼ, pégé giè méma mié a la gwiée; mèe méma ping ntsoté wégé lé wô méchou pé mboo méchou Ta wé Jéova. Tsô na mèe méma mboŋo ée mèe? Ta ngouô pégé fʉʼʉ Yéeso tsaa wégé léwô lékô?
1. Nti kô mé gôôn ngié Yéeso laa paʼ Ta wé?
Fʉʼ yié Yéeso laa tʉo lépwo, a la lôg méngouʼ mémiléyaa ngiè méma Ta wé mbing nziʼi lé fʉʼʉ yé. Ayèe gʉo a saŋa no paʼ yé, njouʼou mboum yé po paʼ yé, mbing ngʉo choum paʼ yé (toŋo Jang 5:19). Yéeso la pou fʉʼʉ Ta wé fʉʼʉ ta ngôôn ngié: «Gning wuié a giaa wôôn a giaa Ta wôôn» (Jang 14:9). O gé née kuiʼi nzsé Yéeso, yèe gʉo o kuiʼi nzsé Jéova. Éfʉʉʼ ngié, Yéeso lôôn ngwiée chʉchʉôg nti pʉa pié po lôôn ngiè ngôʼ, ayèe gnièe wégé chʉchʉôg wuié Jéova gwiée nti wégé.
2. Yéeso la gniè lékô ngié a kouŋo Jéova?
Yéeso la gôôn ngié: «Épʉa mésong tsèe njʉo léen nkée nzsé ngié méng kouŋo Ta wôôn, n né ngʉo po mmo yié a tsuii ngié méng gʉo» (Jang 14:31). Fʉʼ yié Yéeso laa ndoumo ssé tsétsaʼ, a la gnièe maamaa nkouŋé yé nti Ta wé, ana paʼ a lôôn njouʼou ntchwo wé mboo fʉʼ yié a la té zéŋé. Yéeso lôôn nkouŋo lé gôôn no nti Ta wé mbing nkuiété pétsô pʉa lé wo méchou pé (Jang 14:23).
3. Yéeso la gniè lékô ngié a kouŋo pʉa?
Biible gôôn ngié Yéeso tchouŋo nkoung pʉa mésong (Provèebe 8:31, liŋé). Nkouŋé yié a la gwiée lôôn ntsoté yé le kuingté pʉa mésong mbing nkuiété wôb suièe suièe, té zuiʼté tsô mmo. Méno môôn môôn mié a la gʉo la té gniè po ndaʼ métʉ mié a la gwiée wô, é la ying ngnièe tsôôn méziŋé yé (Malékousé 1:40-42). A lôôn mbʉlé mbing téen tièté pʉa wô. Méchouŋé mé lôôn suiéte létʉm mbiŋé nnaa nzsé mvfo mbwo pʉa pié po lôôn nzuiʼté yé. Nkouŋé yié a la gwiée nti pʉa mésong la tsoté yé lé gia ngôʼ mbing nkwé nti wôb. Taʼ a lôôn chʉéchʉé nkouŋo pʉa pié é lôôn ntʉôgô kwo na ménziʼi mé (toŋo Jang 15:13, 14).
YING NKUIʼI NZIʼI
Kuiʼi nziʼi nti gning wuié Yéeso laa wèe, mbing ngièe paʼ ngouô o gniè gaba pwo paʼ yé.
4. Yéeso kouŋo Ta wé
Pégé foo na fʉʼ Yéeso ngiè paʼ ngouô pégé koung Ssé pouʼou. Toŋo Loukasé 6:12 po Jang 15:10; 17:26. Pi lôôn ntoŋo taʼ ta mag pi gôôn no na yôôn nzèté:
-
Ngouô pégé gniè ngié pégé kouŋo Jéova lékô?
5. Yéeso koung pʉa mésong
Yéeso lôôn ndié pétsô pʉa ta ntchʉa kouaʼ yé. Mboo fʉʼ yié a la né kʉa , a lôôn yousé tam wé po métʉ mé lé lôg nkuiété pétsô pʉa. Toŋo Malékousé 6:30-44 mbing ngôôn no na môôn ménzaté:
-
Yéeso la gniè nkouŋé mbwo pétsô pʉa lékô? (lié ménkang 31, 34, 41, po 42).
-
A kô lôôn ntsoté Yéeso lé kuiété pʉa? (lié ménkang 34).
-
Paʼ Yéeso lôôn fʉʼʉ méma Ta wé la, ayèe ziʼi wou kô na Jéova?
-
Paʼ Yéeso, ngouô pégé gniè nkouŋé mbwo pétsô pʉa lékô?
6. Yéeso gaba pwo
Mboo paʼ Yéeso la té gwiée kaakou tèʼ wô, a la gwiée gaba pwo, mbing nkuingté wégé lé gwiée gaba pwo. Toŋo Mégang ntoum 20:35, mbing ngôôn na yôôn nzaté:
-
Yéeso la gôôn ngié angouô pégé gʉo lékô ta ngwiée lékag?
Tsôʼô VIDÉO, mbing ngôôn no na nzèté yié ée mvfo.
-
Pégé lôôn nzôôn té gwiée choum ta é yiôôn wô, mba ngouô pégé gaba pwo lékô?
Oo péʼé nzsé?
Biible gôôn ngié pégé gwiée lé gʉo préya ntchʉaté na lézing Yéeso (Toŋo Jang 16:23, 24). Pégé gʉo préya pouʼou ndôgô ngnièe ngié pégé gia tʉnzuing na mmo yié Yéeso la gʉo lé lôg nkuiété wégé lé tchʉʼ méchou Jéova.
TSO PɄA GÔÔN NGIÉ: «Ssé gnié méngôʼ too na pégé lé lôgô ngiè ka pégé kouŋo yé wô.»
-
Léwô yié Yéeso fʉʼʉ méma Ta wé la, méngʉoo no mé gniè lékô ngié Jéova lié wégé?
TA O ZIʼII KÔ?
Yéeso kouŋo Jéova mboo pʉa mésong. Paʼ aa paʼ Ta wé la, pégé lôôn nkuiʼi nzsé yé, mba pégé gé kuiʼi zsé Jéova.
Ta o né nkimté?
-
Ngouô pégé kouŋo Jéova paʼ Yéeso lékô?
-
Ngouô pégé koung pʉa mésong paʼ Yésso lékô?
-
Wèe na méma Yéeso pou mboŋo wou tèʼ?
KUIʼI FAʼ
Giè tsô na méma Yéeso mié ngouô pégé fʉʼʉ.
« Pour imiter Jésus, soyons. . . » (Jésus : le chemin, la vérité, la vie, page 317)
Nti kô Yéeso la gôôn ngié pégé gʉo préya ntchʉaté na lézing sé?
« Pourquoi prier au nom de Jésus ? » (La Tour de Garde, 1er février 2008)
Yéeso laa lékô na chʉo wé mbab nnè?
Nti yié Yéeso lôôn ndié panzuiée ziʼi wégé kô?
« Respect et dignité : deux exigences de Dieu » (La Tour de Garde, 1er septembre 2012)