Pʉa pié po gnié ta nzôʼô né ntsôôn ngié lékag wuié po la jouʼ lièʼè lôôn nda yôb laʼa ntsuié ngouoo po wo. Ngouo a kouaʼ ngouo pouʼou. Mékréeté pié é la laʼ nzôʼ, épié é tra lé yiŋé na mémbʉʉ Ssé zsé ngié ngouo a wo pouʼou.

1. Biible na wèe ntʉôgô mbwo mambaŋa?

Jéova la tsôʼô mambaŋa lé wo fouô tsiŋé nda (toŋo Éféso 5:23). Jéova né nkouŋo ngié a tsôʼô lé gʉo choum sié tsiŋé nda yé gé foo moo jouʼ mboŋo. Biible gôôn né pambaŋa ngié: «Awôôwôô kouŋo nzuié wé» (Éféso 5:25). A lôgô ngôôn ngié kô? Mambaŋa wuié a kouŋo nzuié wé gʉo mékouʼ mé, ajʉʼ yié pʉa ée wo, ta mboo mbʉa. A kabté yé mbing ntra wé zuing lé naa choum sié é né nzaga yé (1 Timoté 5:8). Ammo yié a pou ngouo tʉnzuing, aa ngié a kuiété yé lé kuiʼi nto né léjʉng Ssé (Matio 4:4). Taʼ fʉʼ aa ngié, ngouo a gʉo suingté mbing ntoŋo Biible lé nzuié wé. Fʉʼ yié mambaŋa lié nzuié wé lé nkouŋé, a gʉo ngié ntémté yé né Jéova kuiʼi ngouʼ (toŋo 1 piè 3:7).

2. Ée wèe ntʉôgô wuié Biible naa mbwo panzuiée?

Chouŋé Ssé gôôn ngié «manzuié gwiée lé gʉo mékouʼ ndoum wé» (Éféso 5:33). Ayèe lôgô ngôôn ngié kô? Ngouo a kouaŋa no na méma mboŋo mié ndoum wé gwiée, mboo métʉ mié a saaʼ lé lôg ndié yé laa pénkʉ pôb. A toonté mmo yié ndoum wé tsôôʼ, ngôôn no mbwo yé né mékouʼ, mbing ngôôn no mboŋo na yé, mboo paʼ a lôôn té né ngouʼté Jéova wô.

3. Ngouo mambaŋa po nzuié wé gʉo lékô ta ntémté yôb kuiʼi ngouʼ?

Biible gôôn ngié: «Mambaŋa po manzuiée pié po zôôʼ po témté ntchʉʼʉ taʼ gning» (Matio 19:5). A lôgô ngôôn ngié po gwiée lé lʉôʼ nkouangté lé fagté mboum yôb. Légʉo pouʼou aa lénéŋée fʉʼ ntsém chouŋo lé nkouŋé, échʉéchʉé ngôôn nti yié po né njouʼou ntʉm pôb. Po té gnié ngié tso mmo ka tsoo gning wôô wo tʉnzuing ntchʉa ndoum wôb ka nzuié yôb wôô, ndaʼ Jéova. Po loukôt na paʼ yié po té kouè nnè na gning ndièʼè sésag wô.

 YING NKUIʼI NZIʼI

4. Mambaŋa: kouŋo nzuié wou mbing ndié yé mboŋo

5. Manzuiée: kouŋo ndoum wou mbing ngʉo mékouʼ mé

Biible kuingté manzuiée lé na mékouʼ ndoum wé wuié a né ngouʼté Jéova mboo wuié a té né ngouʼté yé wô. Toŋo 1 Piè 3:1, 2, mbing chouŋo na môôn ménzaté:

• Ndoum wou lôôn té taʼ Nkuié Ntang Jéova wô, mba o né ntsôôn ngié ngouo a wo tso lièʼ ngouʼté Jéova. O kouang ngié a kô gé kouaʼ nkibé létʉm sé? Ta aa lé néŋé fʉʼ ntsém chouŋo yé no Ssé té zaʼa paa kéen, ka pô lé gwiée tsuié mboŋo mbing ngʉo mékouʼ mé? O kouang pouʼou nti kô?

Aa tso fʉʼ mambaŋa po nzuié wé témté ntsôʼô mmo mboŋo. Taʼ a wo tso fʉʼ, manzuié té zuiŋé mmo yié ndoum wé gôôn wô. A gwiée lé na wé nkouaŋa lé mbʉlé laa mékouʼ, taʼ a yiing ngwiée  lé zsé ngié Jéova la tsôʼô ndoum wé paʼ a gé kaŋa mmo yié a pong mbwo tsiŋé nda yé. A gwiée lé saʼ métʉ ntoonté mmo yié ndoum wé tsôôʼ. A gʉo pouʼou ndôg ngʉo ngié mbʉlé wo mbʉa. Toŋo 1 Piè 3:3-5, mbing chouŋo na yôôn nzaté:

• Jéova jouʼ lékô fʉʼ yié manzuié gʉo mékouʼ ndoum wé?

6. Ngouo o chʉôg méngégé tsèe lôôn nda

 TA O ZIʼII KÔ?

Ngouo taʼ mambaŋa po nzuié wé gwiée lékag fʉʼ yié po gwiée nkouŋé mbing ngʉo mékouʼ tsétsaa pôb mbing ngiŋé na méntʉôgô mié Biible na.

Ta o né nkimté?

• Ngouo mambaŋa gʉo lékô ta lôôn nda yé gwiée lékag?

• Ta ngouo manzuiée gʉo lékô ta lôôn nda yé gwiée lékag?

• O lôôn ngouo wé zôôʼ, mba ngouo wèe ntʉôgô Biible kuiété wou lé gʉo ngié lôôn nda jou tʉté?