Jeremia okwa li a tumwa a ka londodhe Aajuda kombinga yehanagulo ndyoka lya li pokuya, oshoka oya dhimbwa Jehova Kalunga kawo. (Jer 13:25) Oshe ende ngiini oshigwana shi nkundipale pambepo? Omaukwanegumbo gAaisraeli kaga li we ga kola pambepo. Omitse dhomagumbo kadha li tadhi landula elombwelo lyaJehova ndyoka li li muDeuteronomium 6:5-7.

Omaukwanegumbo ngoka ga kola pambepo, ohaga koleke omagongalo kunena. Omitse dhomagumbo otadhi vulu okukwathela aanegumbo yawo ya dhimbulukwe Jehova, mokukala hadhi ningi Elongelokalunga lyUukwanegumbo pandjigilile notali ti sha. (Eps 22:27) Konima yokutala okavidio: “Ino dhimbwa oohapu ndhika” —  Omaukwanegumbo taga pulwapulwa, yamukula omapulo ngaka:

• Omaukwanegumbo gamwe oga kandula po ngiini nomupondo omashongo ngoka haga holoka po, uuna tashi ya pElongelokalunga lyUukwanegumbo?

• Omauwanawa geni haga zi mokukala mu na Elongelokalunga lyUukwanegumbo pandjigilile notali ti sha?

• Ngele tashi ya pElongelokalunga lyUukwanegumbo, omashongo geni wu na noto ke ga kandula po ngiini?