Inda koshikalimo

Inda koshikongitho oshitiyali

Inda koshikalimo

Oonzapo dhaJehova

Oshindonga

Onkalamwenyo yopaKriste niilonga yetu yokuuvitha — Okafo kokulongithwa pokugongala  |  Juni 2017

 ONKALAMWENYO YOPAKRISTE

Mona enyanyu mokuuvitha onkundana ombwanawa

Mona enyanyu mokuuvitha onkundana ombwanawa

Mbela oshidhigu kungoye okuuvitha omathimbo gamwe? Oyendji yomutse otashi vulika tu tye eeno. Omolwashike mbela? Otashi vulika hatu tsakanene naantu mboka kaaye na ko nasha netumwalaka lyetu, ye tu tonde nenge hatu tila okupopya naantu mboka kaatu shi. Iinima mbyoka otayi vulu oku tu ningitha tu kanithe enyanyu lyetu. Nonando ongawo, ohatu longele Kalunga omunyanyukwi, ngoka a hala tu mu longele nenyanyu. (Eps 100:2; 1Tim 1:11, yelekanitha NW.) Omolwomatompelo gatatu geni tu na okunyanyukilwa iilonga yokuuvitha?

Lyotango, ohatu uvitha etumwalaka lyetegameno. Aantu oyendji muuyuni oya kanitha etegameno, ihe otatu vulu oku yu uvithila “onkundana ombwanawa.” (Jes 52:7) Onkundana ombwanawa otayi vulu wo oku tu nyanyudha. Manga inoo ku uvitha, tedhatedha komayambeko ngoka Uukwaniilwa waKalunga tawu ke eta kombanda yevi.

Etiyali, onkundana ombwanawa ohayi kwathele aantu palutu nopambepo. Ohayi ya kwathele ye ethe po omikalondjigilile omiwinayi noya kale ye na etegameno lyomwenyo gwaaluhe. (Jes 48:17, 18; Rom 1:16) Uuna tatu uvitha, otu li miilonga yokukonga noyokuhupitha aantu. Nonando yamwe inaya hala okuhupithwa, ohatu tsikile okukonga mboka ya hala. — Mat 10:11-14.

Etompelo etitatu lya simanenena, olyo kutya iilonga yokuuvitha ohayi simanekitha Jehova nokwe yi lenga noonkondo. (Jes 43:10; Heb 6:10) Ohe tu pe wo ombepo ye ondjapuki, opo tu vule okuuvitha. Onkee ano, pula Jehova e ku pe enyanyu, ndyoka li li oshiyimati shombepo ondjapuki. (Gal 5:22) Kekwatho lye, otatu vulu okusinda uumbanda wokutila aantu, e tatu uvitha nuulaadhi. (Iil 4:31) Kungawo, otatu ka nyanyukilwa iilonga yetu yokuuvitha kutya nduno aantu oye tu yamukule ngiini muukalele. — Hes 3:3.

Owa hala okukala niikala yini mUukalele? Ongiini to vulu okuulika kutya owa nyanyukwa muukalele?

TALA OKAVIDIO: MONA ISHEWE ENYANYU NDYOKA WA LI WA KANITHA, MOKUKONAKONA NOMOKUTEDHATEDHA, E TO YAMUKULA OMAPULO TAGA LANDULA:

  • Omolwashike okukonakona iinima yopambepo kwa simana, nonando ohatu longo oowili odhindji muukalele omwedhi kehe?

  • Omomukalo guni tu na okuholela Mary?

  • Ethimbo lini ho tedhatedha kOohapu dhaKalunga?

  • Oshike hashi ku nyanyudha, uuna to uvitha onkundana ombwanawa?