नीतिवचनं १६:१-३३
१६ माणूस मनात योजना करतो,पण योग्य उत्तर* यहोवाकडून असतं.+
२ माणसाला आपले सगळे मार्ग योग्यच* वाटतात,+पण यहोवा हेतूंचं परीक्षण करतो.+
३ आपली सगळी कामं यहोवावर सोपव,+म्हणजे तुझ्या योजना सफल होतील.
४ यहोवा आपला उद्देश पूर्ण करण्यासाठी सर्वकाही घडवून आणतो,त्याने दुष्टांनाही संकटाच्या दिवसासाठी राखून ठेवलंय.+
५ गर्विष्ठ माणसाची यहोवाला घृणा वाटते.+
अशा माणसाला शिक्षा मिळेल हे निश्चित.
६ एकनिष्ठ प्रेमाने आणि विश्वासूपणाने अपराधाचं प्रायश्चित्त होतं+आणि यहोवाची भीती बाळगल्यामुळे माणूस वाईट गोष्टींपासून दूर राहतो.+
७ माणसाच्या वागणुकीने जेव्हा यहोवा संतुष्ट होतो,तेव्हा तो त्याच्या शत्रूंनाही त्याच्यासोबत शांतीने राहायला लावतो.+
८ अन्यायाने मिळवलेल्या भरपूर संपत्तीपेक्षा,+नीतिमत्त्वाची थोडीशी कमाई बरी!+
९ माणूस मनात आपला मार्ग ठरवतो,पण यहोवा त्याच्या पावलांना दिशा दाखवतो.+
१० राजाच्या ओठांवर देवाचा* निर्णय असला पाहिजे;+त्याने कधीही न्यायाला सोडून वागू नये.+
११ अचूक काटे आणि तराजू यहोवाकडून असतात;पिशवीतली सगळी वजनं तोच पुरवतो.+
१२ राजांना दुष्ट व्यवहारांची घृणा वाटते,+कारण नीतिमत्त्वामुळे राजासन स्थिर राहतं.+
१३ नीतीचे बोल ऐकून राजांना आनंद होतो.
प्रामाणिकपणे बोलणारे त्यांना आवडतात.+
१४ राजाचा क्रोध मृत्यूच्या दूतासारखा असतो,+पण बुद्धिमान माणूस तो शांत करतो.*+
१५ राजाच्या कृपेमुळे आयुष्य सुखी होतं;त्याची कृपा वसंत ऋतूत बरसणाऱ्या मेघांसारखी असते.+
१६ चांदीपेक्षा समजशक्ती मिळवणं,+आणि सोन्यापेक्षा बुद्धी मिळवणं कधीही चांगलं.+
१७ सरळ मनाचे लोक वाईट मार्ग टाळतात.
जो आपल्या मार्गाचं रक्षण करतो, तो आपल्या जिवाचं रक्षण करतो.+
१८ गर्व झाला की नाश ठरलेला;घमेंडी वृत्ती आली, की माणूस अडखळतो.+
१९ गर्विष्ठ लोकांसोबत लूट वाटून घेण्यापेक्षा,दीन लोकांमध्ये नम्रपणे राहिलेलं बरं!+
२० सखोल समज दाखवणाऱ्याला यश* मिळेल;यहोवावर भरवसा ठेवणारा सुखी असतो.
२१ बुद्धिमान माणसाला लोक समजूतदार म्हणतील,+जो प्रेमळपणे बोलतो,* त्याचं बोलणं इतरांना सहज पटतं.+
२२ सखोल समज असलेल्यांसाठी ती जीवनाच्या झऱ्यासारखी असते.
पण मूर्खांना आपल्याच मूर्खपणामुळे शिक्षा मिळते.
२३ बुद्धिमानाचं मन त्याला सखोल समज देतं;+इतरांना त्याचं बोलणं सहज पटतं.
२४ प्रेमळ शब्द मधाच्या पोळ्यासारखे असतात,ते जिवाला* गोड लागतात आणि हाडांना आरोग्य देतात.+
२५ माणसाला एक मार्ग योग्य वाटतो,पण तो मार्ग शेवटी मृत्यूकडे नेतो.+
२६ मजुराची भूक* त्याला मेहनत करायला लावते;पोटाची खळगी* भरण्यासाठी त्याला कष्ट करणं भाग असतं.+
२७ दुष्ट माणूस वाईट गोष्टी उकरून काढतो;+त्याचं बोलणं धगधगत्या आगीसारखं असतं.+
२८ कारस्थानं करणारा भांडणं लावतो,+बदनामी करणारा जिवलग मित्रांची मैत्री तोडतो.+
२९ हिंसा करणारा आपल्या शेजाऱ्याला फसवतोआणि त्याला वाईट मार्गाला लावतो.
३० तो डोळे मिचकावत दुष्ट योजना करतो,ओठ घट्ट मिटून तो दुसऱ्यांचं नुकसान करतो.
३१ नीतीने चालणाऱ्यांचे पिकलेले केस+मानाच्या* मुकुटासारखे असतात.+
३२ जो लगेच रागावत नाही,+ तो शूरवीरापेक्षा शक्तिशाली असतो;रागावर नियंत्रण करणारा, शहर जिंकणाऱ्यापेक्षा ताकदवान असतो.+
३३ लोक चिठ्ठ्या टाकतात,*+पण त्यांच्या मदतीने घेतलेला निर्णय यहोवाकडून असतो.+
तळटीपा
^ किंवा “त्याचं उत्तर.” शब्दशः “जिभेचं उत्तर.”
^ शब्दशः “शुद्धच.”
^ किंवा “देवाने प्रेरित केलेला.”
^ किंवा “चुकवतो.”
^ शब्दशः “चांगलं.”
^ किंवा “इतरांना आवडेल असं बोलतो.” शब्दशः “ओठांचा गोडवा.”
^ किंवा “चवीला.” शब्दार्थसूची पाहा.
^ किंवा “जीव.”
^ शब्दशः “तोंड.”
^ किंवा “सौंदर्याच्या.”
^ शब्दशः “मांडीवर चिठ्ठ्या टाकतात.”