Ukulingana na Baibo, antu yonsi aayembu. Twapyanyile uluyembu ukufuma uku muntu wa kutandikilako Adamu. Ali mulandu uno insita zimwi tukacitila iviipe vino tukaiza itulanguluka pa cisila. Umwana wakwe Leza, Yesu Klistu walipiile pa membu zitu lino watufwilile. Ilambo lino wapeezile lyalenga imembu zitu zyelelwe. U wila ukufuma kuli Leza.—Belengini Loma 3:23, 24.

Antu yamwi yacita imembu izikulu sana nupya yakatwisika ndi cakuti Leza angayelela. Usuma u wakuti Izwi lyakwe Leza likalanda ukuti: “Uwazi wakwe Yesu Umwanakwe ukatusangulula uku membu zyonsi.” (1 Yoani 1:7) Yeova akaitemelwa ukwelela ni membu kwene izikulu ndi cakuti sile twalapila ukufuma pansi ya mwenzo.—Belengini Ezaya 1:18.

Ndi cakuti tukulonda Yeova Leza ukutwelela, tulinzile ukusambilila pali aliwe kuli kuti kumanya masunde yakwe, vino akatunena ukucita na vino akalonda twacita. (Yoani 17:3) Yeova akaelela yayo aakalapila nu kusenuka.—Belengini Milimo 3:19.

Kutemwikwa na Leza kutatala. Yeova wamanya utonte witu. Wakwata uluse ni cikuuku. Uzye uluse lwakwe lutange lulenge mwalondesya ukusambilila pali vino mulinzile ukucita pakuti mwamuzanzya?—Belengini Masamu 103:13, 14.