Lakisá makambo oyo ezali na kati

kende na sous-menu

Batatoli ya Yehova

Lingala

Bademo bazalaka mpenza?

Bademo bazalaka mpenza?

Eyano ya Biblia

Ɛɛ. Bademo bazali “baanzelu oyo basumukaki,” bikelamu ya elimo oyo batombokelaki Nzambe. (2 Petro 2:4) Anzelu ya liboso oyo amikómisaki demo ezali Satana Zabolo, oyo Biblia ebengi “mokonzi ya bademo.”​—Matai 12:24, 26.

Botomboki na mikolo ya Noa

Biblia elobeli baanzelu oyo batombokaki liboso ya Mpela ya mikolo ya Noa: “Bana ya Nzambe ya solo babandaki kotala bana basi ya bato, bamonaki ete bazali kitoko; mpe babandaki kozwa basi, elingi koloba, nyonso oyo bango baponaki.” (Ebandeli 6:2) Baanzelu wana ya mabe, oyo basumukaki, “basundolaki esika na bango moko ya kofanda” na likoló mpe balataki nzoto lokola oyo ya bato mpo básangisa nzoto na basi awa mabele.​—Yuda 6.

Ntango Mpela eyaki, baanzelu wana oyo batombokaki batikaki nzoto oyo balataki mpe bazongaki na likoló. Kasi Nzambe abenganaki bango. Longola yango, bademo bakoki lisusu kolata nzoto lokola oyo ya bato ata mokolo moko te.​—Baefese 6:11, 12.