Kwenda na mambu ke na kati

Kwenda na tansi ya malongi

Na Diboko ya Kimama: Lukutakanu mosi ke salama na nganda, na Londres, na Angleterre, na 1945; na diboko ya kitata: Lukutakanu ya Sipesiali ya Kilumbu Mosi na Malawi, na Afrika, na 2012

 KITINI 5

Malongi ya Kimfumu—Kulonga Bansadi ya Ntotila

Malongi ya Kimfumu—Kulonga Bansadi ya Ntotila

 NGE ke wa kiese sambu na kupesa mutubi yina ke na estrade kikesa. Yandi kele mpangi-bakala ya toko ya dibundu na beno, mpi yo kele disolo na yandi ya ntete na lukutakanu ya nene. Ntangu nge ke widikila diskure na yandi, nge ke sepela ti malongi yina bansadi ya Nzambi ke bakaka. Nge ke yibuka masolo ya ntete yina yandi salaka ntangu yandi vandaka toko; kansi sesepi yai yandi me tomisa mayele na yandi ya kulonga! Yandi bakaka malongi na Nzo-Nkanda ya Kisalu ya Teokrasi mpi na Nzo-Nkanda ya Kisalu ya Kimupasudi-Nzila. Ntama mingi ve, yandi ti nkento na yandi kotaka na Nzo-Nkanda ya Bansamuni ya Kimfumu. Ntangu bantu ke bula maboko sambu na diskure ya kitoko ya mpangi yai, nge ke tala bawi mpi nge ke yindula malongi yina bansadi yonso ya Nzambi ke bakaka.

Biblia tubilaka na ntwala ntangu yina ‘Yehowa ta longa’ bansadi na yandi yonso. (Yez. 54:13) Beto ke zinga na ntangu yango. Beto ke bakaka malongi na nzila ya mikanda yina ke tendulaka Biblia, mpi na nzila ya balukutakanu ya dibundu, balukutakanu ya nene, mpi na nzila ya banzo-nkanda mingi yina bo me salaka sambu na kusadisa beto na kusala bisalu ya nene na organizasio ya Yehowa. Na kitini yai, beto ta tadila mutindu malongi yai yonso ke monisaka pwelele nde Kimfumu ya Nzambi ke yala.

NA KITINI YAI

KAPU 16

Kuvukana Sambu na Lusambu

Inki mutindu beto lenda baka mambote ya mingi na balukutakanu yina beto ke sambilaka Yehowa?

KAPU 17

Bo Ke Longa Bansamuni ya Kimfumu Mutindu ya Kusala Kisalu

Inki mutindu banzo-nkanda ya teokrasi ke longaka bansamuni ya Kimfumu na kulungisa mikumba na bo?