Yezaya 54:1-17

  • Sioni yina vandaka mukobo ta buta bana mingi (1-17)

    • Yehowa, bakala ya Sioni (5)

    • Yehowa ta longa bana ya Sioni (13)

    • Binwaninu sambu na kunwanisa Sioni ta nunga ve (17)

54  “Tula milolo ya kiese, nge nkento ya mukobo yina me butaka ve!+ Vanda na kiese mpi tula milolo ya kiese,+ nge muntu ya me waka ntete ve mpasi ya kubuta,+Sambu bana* ya nkento yina bo me bikisaka kele mingi kibeniKuluta bana ya nkento yina kele ti bakala,”*+ Yehowa muntu me tuba.   “Kumisa kisika ya tenta na nge nene kuluta.+ Tandula bilele ya tenta ya nzo-tenta na nge ya nene. Kudipimisa ve, kumisa bansinga ya tenta na nge nda,Mpi kumisa bapike ya tenta na nge ngolo.+   Sambu nge ta yalumuna bandilu na nge na diboko ya kitata mpi na diboko ya kimama. Bana na nge ta baka makanda,Mpi bo ta zinga na bambanza ya me bikalaka mpamba.+   Kuwa boma ve,+ sambu nge ta wa ve nsoni;+Kuwa ve nsoni, sambu nge ta vanda ve na mawa. Sambu nge ta vila nsoni ya kileke na nge,Mpi nge ta yibukaka diaka ve nsoni ya kimufwidi na nge.”   “Sambu Muntu ya Nene yina salaka nge+ kele bonso bakala* na nge,+Zina na yandi Yehowa ya makesa,Mpi Santu ya Izraele kele Muntu ya ke sumba nge diaka.+ Bo ta binga yandi Nzambi ya ntoto ya mvimba.+   Sambu Yehowa bingaka nge bonso nde nge vandaka nkento mosi ya bo me yambulaka mpi ya kele na mawa ya ngolo,*+Bonso nkento mosi ya bo kwelaka na kileke kansi ya bo buyaka na nima,” Nzambi na nge muntu me tuba.   “Mono yambulaka nge sambu na ntangu fioti,Kansi ti mawa ya nene mono ta vukisa nge mpi ta vutula nge.+   Na makasi ya ngolo, mono bumbilaka nge luse na mono sambu na ntangu fioti,+Kansi ti zola ya kwikama ya mvula na mvula, mono ta wila nge mawa,”+ Yehowa, Muntu ya ke sumba nge diaka,+ muntu me tuba.   “Sambu na mono,+ mambu yai kele bonso bilumbu ya Noa. Kaka mutindu mono zengaka kieleka nde bamasa ya Noa ta fika diaka ve ntoto,+Mutindu mosi mpi mono ke zenga kieleka nde mono ta wila nge diaka ve makasi mpi ta nganina nge diaka ve.+ 10  Sambu bangumba ya nene lenda katukaMpi bangumba ya fioti lenda nikana,Kansi zola na mono ya kwikama sambu na nge ta katuka ve,+Kuwakana na mono ya ngemba mpi ta nikana ve,”+ Yehowa, Muntu ya ke wila nge mawa,+ muntu me tuba. 11  “O nkento ya bo me monisa- ka mpasi,+ ya me nikana-nikanaka na mupepe ya ngolo, mpi ya bo me lembikaka ve,+Mono ke tula matadi na nge ti poto-poto ya ngoloMpi fondasio na nge ti safire.+ 12  Mono ta sala zulu ya ludi na nge ti barubi,Bakielo na nge ti matadi ya ke semaka,*Mpi bandilu na nge yonso ti matadi ya kitoko. 13  Yehowa ta longa bana na nge yonso,+Mpi ngemba ya bana na nge ta vanda mingi.+ 14  Bo ta tula nge ngolo na lunungu.+ Nge ta katuka kibeni na bampasi+ mpi nge ta vanda ntama,Nge ta wa boma ata ya kima mosi ve mpi nge ta vanda ve ti kikuma ya kutekitila,Sambu yo ta kwisa ve pene-pene na nge.+ 15  Kana muntu kunwanisa nge,Mono ve muntu ta pesa yandi ntuma. Konso muntu yina ke nwanisa nge ta bwa sambu na nge.”+ 16  “Tala! Mono mosi muntu gangaka muntu yina ke salaka bisalu ya maboko,Yina ke pupulaka makala ya tiya,Mpi kisalu na yandi ke basisaka kinwaninu. Mono mosi mpi muntu gangaka muntu yina ke fwaka bantu sambu yandi bebisa.+ 17  Ata kinwaninu mosi ve ya bo ta sadila sambu na kunwanisa nge ta nunga,+Mpi nge ta bedisa konso ludimi yina ta telamina nge na lusambisu. Yai kele dikabu ya bansadi ya Yehowa,Mpi lunungu na bo me katuka na mono,” Yehowa muntu me tuba.+

Banoti na nsi ya lutiti

Na kisina, “bana-babakala.”
To “mfumu.”
To “mfumu.”
Na kisina, “ya me wa mpasi na mpeve.”
To “ti matadi ya tiya.”