Kwenda na mambu ke na kati

Kwenda na tansi ya malongi

Na Diboko ya Kimama: Bima yina bampangi ya Suisse tindilaka bampangi ya Allemagne, na 1946; na diboko ya kitata: Bo ke tunga diaka Nzo ya Kimfumu na Japon, na nima ya kisumbula yina bo ke bingaka nde tsunami, na 2011

 KITINI 6

Kupesa Maboko na Kimfumu—Kutunga Bisika ya Lusambu mpi Kusadisa Bampangi

Kupesa Maboko na Kimfumu—Kutunga Bisika ya Lusambu mpi Kusadisa Bampangi

 NGE me kota na Nzo ya Kimfumu na beno mpi nge ke yituka mutindu yo me kuma. Yo ke pesaka nge kiese mingi. Ziku nge ke yibuka ntangu bo tungaka yo mwa bamvula me luta. Kansi ntangu yai, nge ke sepela diaka mingi kuluta; sambu na ntangu fioti, Nzo ya Kimfumu me kuma kisika ya bo ke yamba bantu yina me bwila mpasi. Ntangu mupepe mosi ya ngolo kotisaka masa mpi bebisaka kisika ya beno ke zingaka, Komite ya Filiale bakaka nswalu bangidika sambu bampangi yina me bwila mpasi kubaka madia, bilele, masa ya bunkete, mpi bima ya nkaka. Bo ke yidikaka mbote kibeni bima yina bo ke tindaka. Bampangi ya babakala ti ya bankento ke tulaka ndonga sambu na kubaka bima yina bo kele na yo mfunu. Mbala mingi, bo ke katulaka mpi mansanga ya kiese na meso na bo.

Yezu tubaka nde kidimbu yina ta sadisa bantu na kuzaba balongoki na yandi kele zola yina bo ta vanda na yo na kati na bo. (Yoa. 13:34, 35) Na kitini yai beto ta tadila mutindu zola ya Bukristu ke monanaka na bisalu ya kutunga mpi ya kusadisa bantu, yina Bambangi ya Yehowa ke salaka. Zola yai kele nzikisa ya ngolo ya ke monisa nde beto ke zinga na nsi ya luyalu ya Kimfumu ya Yezu.

NA KITINI YAI

KAPU 18

Mbongo ya Bisalu ya Kimfumu Ke Katukaka na Wapi?

Mbongo ke katukaka na wapi? Inki mutindu bo ke sadilaka yo?

KAPU 19

Kisalu ya Kutunga Yina Ke Pesaka Yehowa Lukumu

Bisika ya lusambu ke pesaka Nzambi lukumu, kansi yandi ke bakaka na mbalu kibeni kima ya nkaka.

KAPU 20

Kisalu ya Kusadisa Bantu

Inki mutindu beto me zaba nde kisalu ya kusadisa bantu kele na kati ya kisalu ya santu yina beto ke sadilaka Yehowa?