Kwenda na mambu ke na kati

Kwenda na tansi ya malongi

Na Diboko ya Kimama: Dibuta ya Betele na Brooklyn ke sala feti ya noel ya nsuka na 1926; na diboko ya kitata: Bantu ke monaka nde Bambangi ya Yehowa Kele ya kuswaswana

 KITINI 3

Minsiku ya Kimfumu—Sosa Lunungu ya Nzambi

Minsiku ya Kimfumu—Sosa Lunungu ya Nzambi

 YINDULA nde nge ke pesa muntu mosi ya kartie mbote ntangu nge ke luta. Na nima, nge me bakisa nde yandi ke talaka luzingu na nge ti ya fami na nge. Yandi me ndima mbote na nge mpi me binga nge. Yandi ke tuba nde: “Mu le yula nge ngiufula? Sa na nki beno ke vandaka ya kuswaswana ti bantu ya nkaka?” Nge me yula yandi nde, “Nge ke zo tuba nki?” Yandi me vutula nde, “Beno kele Bambangi ya Yehowa, mpidina ve? Beno kele ve bonso bantu ya nkaka ya kartie. Beno ke kotaka ve na mambu ya mabundu ya nkaka, disongidila beno ke salaka ve bafeti na bo, mpi beno ke kotaka ve na politiki ti na bamvita. Beno ke nwaka ve makaya. Beto ke monaka mpi nde bafami na beno ke landaka minsiku ya kuzanguka ya bikalulu ya mbote. Inki ke salaka nde beno vanda ya kuswaswana na mambu mingi mpidina?”

Nge me zaba nde ngiufula yai kele mpasi ve; mvutu kele nde: Beto ke zingaka na nsi ya lutwadisu ya Kimfumu ya Nzambi. Ntotila na beto Yezu ke landa na kutomisa beto. Yandi ke sadisaka beto na kulanda bitambi na yandi; yo yina beto ke vandaka ya kuswaswana ti nsi-ntoto yai ya mbi. Na kitini yai, beto ta mona mutindu Kimfumu ya Mesia me tomisaka bansadi ya Nzambi na kimpeve, na bikalulu ya mbote, mpi na mutindu ya kusala mambu; yonso yina kaka sambu na kupesa Yehowa nkembo.

NA KITINI YAI

KAPU 11

Kutomisa Bikalulu ya Mbote Yina Ke Wakana ti Busantu ya Nzambi

Bashambre ya bankengidi mpi bakielo ya nene ya mbona-meso ya tempelo ya Ezekiele vandaka ti ntendula mosi ya mfunu sambu na bansadi ya Nzambi banda 1914.

KAPU 12

Beto Me Vukana Sambu na Kusadila “Nzambi ya Ngemba”

Biblia ke swaswanisaka ve mambu ya kukonda ndonga ti mambu ya ndonga kansi ti ngemba. Sambu na nki? Mpi nki mutindu mvutu ke tadila Bakristu bubu yai?