Memoryal lanmò Jezi
Lendi 22 mas 2027
Yon fwa chak ane, Temwen Jewova yo selebre Memoryal lanmò Jezi a jan l te mande sa lè l te di: “Kontinye fè sa pou nou montre nou sonje m.” — Lik 22:19.
Nou envite w vin asiste evènman sa a.
Kesyon moun poze souvan
Ki moun ki ka vini?
N ap kontan akeyi kèlkeswa moun nan. Santi w alèz pou w envite yon zanmi e pou w vin ak fanmi w.
Konbyen tan pwogram nan dire?
Li dire anviwon inèdtan.
Ki kote l ap fèt?
Pale ak yon Temwen Jewova nan zòn ou an pou w jwenn plis detay.
Èske gen yon kòb pou m peye pou m asiste l?
Non.
Èske y ap fè lakòlèt?
Non. Temwen Jewova yo pa janm fè lakòlèt nan reyinyon yo. — Matye 10:8.
Èske gen yon fason espesyal pou m abiye?
Non. Men, Temwen Jewova yo fè efò pou yo abiye yon fason ki montre respè pou okazyon espesyal sa a.
Ki sa k ap gen nan Memoryal la?
Nan pwogram nan, y ap bay yon diskou ki pale sou enpòtans lanmò Jezi ak fason nou ka jwenn byenfè nan sa Bondye ak Kris fè pou nou. Reyinyon an ap kòmanse e l ap fini ak yon kantik e ak yon priyè.
Pou w jwenn plis enfòmasyon, gade atik ki gen tit: “Poukisa fason Temwen Jewova yo selebre Soupe Seyè a pa menm ak fason lòt relijyon fè l?”
Ki pwochen fwa ap gen Memoryal?
2027: Lendi 22 mas
2028: Dimanch 9 avril
2029: Jedi 29 mas
Lòt sijè ki enteresan
MEMORYAL
Sonje lanmò Jezi
Nou kontan envite w asiste evènman enpòtan sa a avèk nou. Ou pral aprann ki jan lavi Jezi ansanm ak lanmò li kapab pwofitab pou ou pèsonèlman.
ANSÈYMAN FONDAMANTAL KI NAN BIB LA
Poukisa Jezi te mouri?
Bib la bay lanmò Jezi yon kokenn enpòtans. Èske lanmò l te gen yon objektif?
KÈK LÒT SIJÈ
Fason nou kapab benefisye sakrifis Jezi a
Ki de bagay enpòtan Jezi te fè konnen nou dwe fè pou lanmò l kapab itil nou?
ENFÒMASYON SOU NOU
Asiste yon reyinyon
Enfòmasyon sou reyinyon nou yo. Chèche yon kote nou fè reyinyon ki toupre lakay ou.