Nan dat 29 me 2024, tribinal distri Zeyskiy nan rejyon Amur te deklare frè Yevgeniy Sokolov koupab e li te kondane l pou l pase twazan nan prizon, e santans sa a ap aplikab si yo arete l ankò pou menm bagay yo. Li pa gen pou l al nan prizon pou kounye a.

Sa fè dezyèm fwa yo te ouvri yon ankèt sou frè Yevgeniy kòm kriminèl. Premye jijman an k ap kontinye te enplike frè Yevgeniy ansanm ak nèf lòt frè. Jijman an te fèt nan vil Voronezh kote frè Yevgeniy ap viv.

Men sa frè Yevgeniy di ki ede l andire: “Mwen aprann fè Jewova plis konfyans e m konte sou li nèt. Nou pa ka rezoud okenn pwoblèm pi byen pase Jewova. Jewova ap toujou aji pi bon fason an, e l ap fè sa avèk yon sajès ki san parèy”.

Menm jan ak Yevgeniy, se pou nou kontinye di Jewova: “Se ou menm ki refij mwen”, konsa nou montre nou gen konfyans l ap ban nou èd nou bezwen. — Sòm 142:5.

Dat ak evènman ki te pase

1. 15 desanm 2022

   Yo ouvri yon dezyèm ankèt sou Yevgeniy kòm kriminèl san l pa konnen

2. 22 septanm 2023

   Yevgeniy aprann gen yon dezyèm ankèt sou li kòm kriminèl. Yo pase l entèwogatwa epi yo akize l poutèt l ap “prepare epi dirije reyinyon ki gen rapò ak relijyon”

3. 22 avril 2024

   Yo kòmanse jijman l kòm kriminèl

4. 29 me 2024

   Yo kondane l pou l pase twazan prizon si yo arete l pou menm bagay yo ankò