SIJÈ KI SOU PAJ KOUVÈTI A

Bib la egzak nan tout domèn

Nonsèlman Bib la egzak lè l ap dekri bagay ki gen nan lanati yo lontan anvan lasyans te vin ka esplike bagay sa yo, men tou, li anonse moman yon seri Anpi t ap pran pouvwa a ak moman yo t ap tonbe, e li bay repons ki satisfè moun pou yon seri gwo kesyon sou lavi a.

ÈD POU FANMI

Li enpòtan pou n ba yo fè travay

Èske pafwa w konn santi w renka pou w bay pitit ou travay pou l fè? Si wi, gade ki jan fè travay ka aprann pitit ou pran responsablite epi ba l kè kontan.

Èske nou gen yon “dezyèm sèvo” nan vant nou?

‘Izin sa a ki gen travay chimik k ap fèt ladan l’ yon fason konplike se nan vant nou li plis ye. Ki sa l fè pou ou egzakteman?

ENTÈVYOU

Yon moun ki konn fè pwogram enfòmatik bay rezon ki fè l kwè nan yon Kreyatè

Doktè Fan Yu te kwè nan evolisyon lè l te kòmanse karyè l antanke matematisyen k ap fè rechèch. Kounye a, li kwè se Bondye ki te kreye lavi. Poukisa?

DAPRE LABIB

Zanj

Yo pale de zanj oswa yo montre imaj yo nan literati, nan travay atis ak nan fim. Ki sa Bib la di sou yo?

KI KOTE MÈVÈY SA A SOTI?

Plim lout ki nan lanmè yo

Gen kèk mamifè ki viv nan dlo ki gen yon gwo kouch grès anba po yo pou ede yo rete cho. Bèt yo rele lout nan lanmè yo itilize yon lòt mwayen.