Depi 2018, chak nimewo peryodik nou yo pale sou yon sèl sijè. Tout peryodik sa yo fè pati zouti nou genyen pou n anseye. Donk, nou ka sèvi avèk yo nan travay predikasyon an. Nou ka pote kèk avèk nou tou lè n ap vwayaje oswa lè n pral achte kèk bagay. Byenke nou pa sèvi ak peryodik yo pou n etidye Labib ak moun, yo kapab fè yon moun anvi konn plis bagay sou Bondye.

Apre w fin kòmanse yon konvèsasyon, ou ka li yon vèsè ak moun nan e w ka atire atansyon l sou yon sijè nan yon peryodik ki ka enterese l. Pa egzanp, si l ap pran swen yon fanmi oubyen l ap fè fas ak lapenn oubyen strès, ou kapab di l: “Mwen te li yon bèl atik sou sijè sa a. Èske m ka montre w li?” Si w wè moun nan enterese, ou ka ba li youn oubyen ou ka voye l ba li sou fòma elektwonik, menmsi se nan premye rankont lan. Byenke bay peryodik se pa prensipal objektif nou, peryodik yo ka ede n jwenn moun ki dispoze aji ann amoni ak sa yo aprann yo. — Tr 13:48.