Magdiretso sa kaundan

Magdiretso sa listahan sang kaundan

Magpasalamat Kamo

Magpasalamat Kamo

 Magpasalamat Kamo

▪ Pirme ginapalig-on sang Biblia ang mga sumilimba sang Dios nga magpasalamat. Ang Salmo 92:1 nagsiling: “Maayong butang ang pagpasalamat sa GINOO.” Subong man sini ang ginsiling ni apostol Pablo: “Magmapinasalamaton kamo.”—Colosas 3:15.

May maayo nga rason kon ngaa dapat kita magpasalamat. Ang propesor sa sikolohiya nga si Robert Emmons, sang University of California sa Davis, nagsiling: “Ginapamatud-an sang pagtuon nga ang pagkamapinasalamaton nakabulig gid sa mga tawo nga maatubang ang adlaw-adlaw nga mga problema, ilabi na ang kahuol, kag mabatyagan nga may kabilinggan.”

Ang Time nga magasin nagsambit sing iban pa nga mga benepisyo: “Ang mapinasalamaton nga mga tawo . . . pirme masinadyahon kag positibo, wala tanto ginahul-an, kag talagsa lang ginapung-aw sing sobra kon ipaanggid sa iban nga mga tawo.”

Apang, sing makapasubo, gintagna sa Biblia nga “sa katapusan nga mga adlaw,” madamo nga tawo ang “magamahigugmaon sang kaugalingon” kag “dimapinasalamaton.” (2 Timoteo 3:1-5) Paano malikawan sang mga Cristiano ini nga panimuot? Ang Awtor sang Biblia nagsiling: “Ako amo ang GINOO nga imo Dios, nga nagatudlo sa imo sa kapuslanan, nga nagatuytuy sa imo sa dalanon nga laktan mo.” (Isaias 48:17) Paagi sa pagsunod sa mga sugo sang Dios, malikawan naton ang kalisdanan sang mga nagpaulipon sang ila kaugalingon sa maiyaiyahon nga mga dalanon. Dugang pa, nagasalig kita nga nakita ni Jehova ang aton mga panikasog kag padyaan niya kita sing nahisuno. (Hebreo 6:10) Ini nga mga benepisyo magapahulag sa aton nga ‘pasalamatan si Jehova.’—Salmo 107:8, NW.