Upodexok 11:1-10

  • Sondhi soddinaka (1-8)

    • Tuzo unddo udkant sodd (1)

    • Sokallim tem sanz meren tujem bim vomp (6)

  • Tornattponn bore bhaxen sar (9, 10)

11  Tuzo unddo udkacher sodd,* karonn zaitea disam uprant tuka to porot mellttolo. 2  Tujea lagim asa tantuntlem sat vo atth lokank pasun di. Karonn prithumer koslem odruxtt* ietolem tem tuka khoborna. 3  Kupamnim udok bhorlam zalear, prithumer paus poddttolo. Ani ek zhadd utʼtore vatten vo dokxinne vatten poddlem zalear, tem poddlam thoinch urtolem. 4  Vareak polloit ravta to bim vompunk pavchona, ani kupank polloit ravta to kainch lunvunk pavchona. 5  Eka gorbest bailechea kusveant aslolea bhurgeachea haddamnim jivitachi xokti* koxi kam korta tem tuka khoborna toxem, soglem ghoddoun haddpi khorea Devachem kam tuka khoborna. 6  Sokallim tujem bim vomp ani sanz zai meren tujea hatak visov gheunk dinaka. Karonn khoinchem bim kirlotolem tem tuka khoborna, hem vo tem, vo donui kirlotolim tem tum nokllo. 7  Uzvadd boro, ani suriak pollovop dolleank borem. 8  Ek munis zaitim vorsam jieta zalear taka tim khuxalkaien sarum-di. Punn kallkhi dis chodd asot mhunn tannem ugddas dovorchem. Fuddem ieunchem asa tem soglem polkeponn. 9  Tornattea, tum tornatto astanach khuxal zav, ani tujea tornattponnachea disamnim tujem kalliz khuxal asom. Tujea kallzak borem dista tem kor ani tuje dolle vhortat thoim voch, punn hea soglea vostum pasot khoro Dev tuji zhoddtti kortolo* mhunn ugddas dovor. 10  Tor dukh ditat tosleo vostu tujea kallzantleo kadd, ani tujea kuddik tras ditat tosleo vostu kaddun bhair uddoi. Karonn tornattponn ani tornattponnachem boll polkem zaun asa.

Footnotes

^ Vo “ghal.”
^ Vo “sonkoxtt.”
^ Hem Devachea xoktek pasun lagu zaunk xokta.
^ Vo “Dev tujea koddlean hixob ghetolo.”

Copyrights for this publication