Upodexok 1:1-18

  • Soglem polkem (1-11)

    • Prithum sodankal urta (4)

    • Soimbik chokr chaluch urta (5-7)

    • Suria ponda kainch novem na (9)

  • Munxache zannvaiek xim asa (12-18)

    • Varea fattlean dhanvop (14)

1  Davidacho put, Jeruzalemantlo raza, upodexokachim* utram.  2  Upodexok mhunntta: “Samkem polkeponn!*Hoi, samkem polkeponn! Soglem polkem!”  3  Eka munxan suriachea votant gham varoun kelʼleaSoglea koxtti vavra pasot taka kitem melltta?  4  Ek pillgi voita ani dusri pillgi ieta,Punn prithum sodankal urta.*  5  Suria udeta* ani suria buddtta,Uprant to rokddoch tea zagear vochon ravta* zoim thaun taka porot udeunk zai.  6  Varem dokxinne vatten voita ani ghunvon utʼtore vatten ieta.Hea toren tem gol ghunvot ravta.  7  Sogle vhall* vhanvot doriant voitat, tori astana doria bhorona. Vhall jea zagear thaun vhanvtat, thoim te porot ietat ani porot vhanvonk lagtat.  8  Sogleo vostu thokoitat tosleo asat,Konnuch tanche vixim ulounk pasun xokona. Tankam polloun dolleank puro zaina,Tanche vixim aikon kanank puro zaina.  9  Jem zaun gelam tem porot zatolem,Ani jem kelam tem porot kortole.Suria ponda novem kainch na. 10  Oxem kitem-i asa kai zachea vixim ami mhunnonk xoktat, “Polloi, hem novem asa”? Tem khub kalla poilim thaun aslem,Amchea kalla poilim thaunuch tem aslem. 11  Adlea kalla voilea lokam vixim konnankuch ugddas na,Toxench uprant zo konn ietolo tancho-i konnank ugddas urchona.Ani tanchea uprant je ietole tancho-i tankam ugddas urchona. 12  Hanv upodexok, Jeruzalemant Izraelacho raza zaun asa. 13  Mollba khala jem kitem zata tea soglea vostum vixim obheas korunk ani zannvaien tacher sodh korunk hanvem tharailam—hem trasanchem kam Devan munxanchea putank dilam, zantunt te jivitbhor buddon urtat. 14  Suria ponda kortat tim soglim kamam hanvem polloilim,Ani polloi! soglem polkem, fokot varea fattlean dhanvlolea sarkem. 15  Vankddem asa tem nitt korunk zaina,Ani jem na, tem hixobant gheunk zaina. 16  Uprant hanvem mhojea kallzant mhunnttlem: “Polloi, hanvem vorti zannvai melloun ghetlea. Mhojea poilim Jeruzalemant itli zannvai konnankuch nasli. Mhojea kallzan bhorpur zannvai ani ginean melloun ghetlam.” 17  Zannvai, pixeponn* ani murkhponna vixim zannam zaun gheunk hanvem mhojem purnn dhean-mon lailem, ani hem pasun varea fattlean dhanvlolea sarkem asa. 18  Karonn jitli chodd zannvai vaddtta titlench chodd niraxiponn vaddtta,Tor zo konn aplem ginean vaddoita to aplem dukh pasun vaddoita.

Footnotes

^ Vo “sobha apoitoleachim; lokank ektthaim kortoleachim.”
^ Vo “kainch faideachem na!”
^ Utran utor, “ubi asta.”
^ Vo “porzolltta.”
^ Vo “to khorxet porot ieta.”
^ Vo “Thonddechea kallar vo her khoinchea-i kallar vhanvtat te vhall.”
^ Vo “hispa bhair murkhponn.”

Copyrights for this publication