Ki mannyer ou kapab viv pour touzour?
Sa ki Labib i dir
Labib i promet: “Sa enn ki fer lavolonte Bondye i viv pour touzour.” (1 Zan 2:17, Labib an Kreol Seselwa) Ki Bondye i anvi ou fer?
Aprann lo Bondye ek son Garson Zezi. Ler Zezi ti priy Bondye, i ti dir: “Pour ganny lavi eternel, zot bezwen aprann konn ou, sa sel vre Bondye e sa enn ki ou’n anvoye Zezi Kri.” (Zan 17:3) Ki mannyer nou kapab “aprann konn” Bondye ek Zezi? Par etidye Labib e aplik son mesaz dan nou lavi. a Labib i revel fason panse nou Kreater, Zeova, sa Enn ki donn lavi. (Akt 17:24, 25) Labib i osi koz lo son Garson, Zezi, ki ti ansenny “parol lavi eternel.”—Zan 6:67-69.
Demontre lafwa dan sakrifis Zezi. Zezi ti vin lo later “pour servi e donn son lavi konman en ranson.” (Matye 20:28) Sakrifis Zezi in fer li posib pour bann imen viv pour touzour dan Paradi lo later. b (Psonm 37:29, NWT) Zezi ti dir: “Bondye in telman kontan lemonn ki i’n donn son sel Garson pour ki nenport ki ki demontre lafwa dan li pa ganny detrir me i ganny lavi eternel.” (Zan 3:16) Remarke ki nou bezwen fer plis ki zis krwar dan Zezi. Nou bezwen “demontre lafwa dan li,” par swazir pour viv an armoni avek son lansennyman e fer lavolonte son Papa.—Matye 7:21; Zak 2:17.
Devlop en lanmitye for avek Bondye. Bondye i anvi ki nou vin pros avek li e vin son zanmi. (Zak 2:23; 4:8) Bondye i eternel. I pa pou zanmen mor e i osi anvi ki son bann zanmi i viv pour touzour. Dan son Parol, Bondye i dir sa ki i ti a kontan pour tou bann ki rod li: “Ki zot lavi i gou pour touzour.”—Psonm 22:26, NWT.
Bann fo krwayans lo lavi eternel
Fo krwayans: Bann imen pou reisi trouv en fason pour nou viv pour touzour.
Laverite: Menm si bann zefor ki pe ganny fer dan domenn medikal i kapab prolonz lavi en dimoun, sa pa vedir ki sa bann zefor pou anmenn lavi eternel. Zis Bondye ki kapab donn nou lavi eternel, parski zis li ki “sours lavi.” (Psonm 36:9) I promet ki lanmor pou “disparet pour touzour” e i pou donn lavi eternel tou bann ki reste fidel avek li.—Izai 25:8; 1 Zan 2:25.
Fo krwayans: Zis dimoun serten ras ki pou viv pour touzour.
Laverite: Bondye pa fer lapreferans. O kontrer, “dan tou nasyon, sa ki annan en gran respe pour li e ki fer sa ki drwat i ganny son laprouvasyon.” (Akt 10:34, 35) Tou dimoun ki sorti dan nenport group etnik ek kiltir e ki obei Bondye i kapab viv pour touzour.
Fo krwayans: Lavi eternel pou boring.
Laverite: Sa kado lavi eternel i sorti kot Bondye, ki kontan nou e ki anvi nou ere. (Zak 1:17; 1 Zan 4:8) Bondye i konnen ki nou bezwen pe fer en travay ki annan en bi, pour nou ere. (Eklezyast 3:12) Bondye in promet bann dimoun ki pou viv pour touzour lo later en travay satisfezan ki pou benefisye zot ek zot fanmir.—Izai 65:22, 23.
Deplis, bann ki viv pour touzour pou kontinyen aprann bann nouvo keksoz konsernan zot Kreater ek tou bann keksoz merveye ki i’n kree. I’n fer bann imen avek sa dezir pour viv pour touzour e pour aprann lo li, menm si “bann imen pa pou zanmen dekouver travay ki sa vre Bondye in fer depi o konmansman ziska lafen.” (Eklezyast 3:10, 11, NWT) Alor, bann ki pou viv pour touzour pou toultan annan bann keksoz enteresan pour aprann e fer.
a Temwen Zeova i ofer en progranm letid Labib gratwit. Pour plis lenformasyon, get sa video Kwa ki pase dan en letid Labib?
b Vwar sa lartik “Jesus Saves—How?” an Angle.
You May Also Like
LAREPONS SORTI DAN LABIB
Ki mannyer Zezi i sov nou?
Akoz nou bezwen ki Zezi i pled pour nou? Eski nou pou ganny sove si nou zis krwar dan Zezi?
LATOUR VEYER
Ou kapab viv pour touzour lo later
Labib i dir ki plan nou Kreater i annan pour limanite.
LATOUR VEYER
Zeova “pa fer preferans”
KONSERNAN NOU
Eski ou ti a kontan en vizit?
Diskit en kestyon lo Labib oubyen aprann plis lo Temwen Zeova.