Labib I Reponn

Pour ki bi nou plannet i egziste?

Nou plannet i ideal pour soutenir lavi. Son delo ki annabondans, i enportan pour viv. Pozisyon later, lafason ki i vire e son orbit i zis bon pour anpes lanmer vin tro fre oubyen tro so. Osi, latmosfer later ek son lafors manyetik i protez li avek radyasyon danzere. Lafason ki plant ek zannimo i depan lo kanmarad i senpleman ekstraordiner. Annefe, bokou dimoun in dir ki i pour en bi ki nou plannet i egziste.​—Lir Izai 45:18.

Me ou kapab demande, ‘Eski soufrans ek lenzistis i form parti sa bi?’​—Lir Deterononm 32:4, 5.

Eski plan pour later pou ganny akonplir?

Later in ganny fer pour ki i vin en bon landrwa reste pour dimoun ki annan respe pour lezot e ki kontan zot Kreater. Me, imen i annan plis valer ki bann plant oubyen zannimo. Nou kapab konnen lekel nou Kreater, admir e imit son lanmour ek lazistis.​—Lir Eklezyast 12:13; Mika 6:8.

Nou Kreater i kapab akonpli tou sa ki i’n plàn pour fer. Alor, nou kapab asire ki i pou met en lafen avek soufrans ek lenzistis e fer nou plannet en landrwa parfe pour bann imen viv lo la.​—Lir Psonm 37:11, 29; Izai 55:11.

Pour plis lenformasyon, vwar sapit 3 dan sa liv Ki Labib i vreman dir? pibliye par Temwen Zeova

Ou kapab download li lo www.jw.org

[Portre lo paz 16]

Later in ganny fer pour ki i vin en bon landrwa reste pour bann imen