Izai 55:1-13
55 Tou dimoun ki swaf,+ vini, vin kot delo!+
Zot sa bann dimoun ki napa larzan, vini, aste e manze!
Wi, vini, aste diven ek dile,+ zot pa bezwen larzan, i pour nanryen.+
2 Akoz zot pe kontinyen depans larzan lo bann keksoz ki pa dipen?
Akoz zot depans zot saler* lo bann keksoz ki pa satisfer zot?
Ekout mwan byen e manz sa ki bon+E zot pou vreman kontan pour manz bann bon manze.*+
3 Ekout byen* e vin kot mwan.+
Ekoute e zot pou reste vivan
E mon pou pare pour fer en lalyans eternel avek zot+
An armoni avek lanmour fidel ki mon ti demontre anver David
E sa promes i diny konfyans.*+
4 Gete! Mon ti fer li vin en temwen+ pour bann nasyon,
En sef+ e en komandan+ pour bann nasyon.
5 Gete! Ou pou kriy en nasyon ki ou pa konnen
E bann dimoun dan en nasyon ki pa konn ou pou tay kot ou.
Zot pou fer sa akoz Zeova ou Bondye,+ sa Enn ki Sen Izrael,
Parski i pou glorifye ou.+
6 Rod Zeova ler zot ankor kapab trouv li.+
Kriy li ler i ankor pros.+
7 Ki sa move dimoun i sanz son fason viv+
E son fason panse.
Ki i retourn kot Zeova ki pou pran pitye pour li,+
Ki i retourn kot nou Bondye parski i pou pardonn li konpletman.*+
8 “Parski mon fason panse i pa parey zot fason panse+
E zot fason fer i pa parey mon fason fer.” La sa ki Zeova in dir.
9 “Parski zis parey lesyel i pli o ki later,
Mon fason fer i pli siperyer ki zot fason fer
E mon fason panse i pli siperyer ki zot fason panse.+
10 Parski zis parey lapli ek lanez i sorti dan lesyel i tonbe
E zot pa retourn dan lesyel ziska ki zot in mouy later, fer bann plant pouse e zermen,
Pour donn lagrenn sa dimoun ki senmen e dipen sa dimoun ki manze,
11 Alor, koumsanmenm mon parol ki sorti dan mon labous pou ete.+
I pa pou retourn kot mwan san fer nanryen,+
Me i pou sirman fer tou sa ki fer mwan kontan*+
E i pou sirman fer tou sa ki mon anvoy li fer.
12 Parski zot pou ale dan lazwa+
E zot pou retournen anpe.+
Bann montanny ek bann pti montanny pou kriye dan lazwa devan zot+
E bann pye dibwa dan lakanpanny pou bat lanmen.+
13 Bann pye zenevriye* pou pouse dan plas bann touf pikan+
E bann pye mirt* pou pouse dan plas bann touf pikan.
Sa pou fer Zeova renonmen,*+
En siny ki pou la pour touzour e i pa pou zanmen disparet.”
Bann not
^ Oubyen “larzan ki zot in travay dir pour gannyen.”
^ Literalman, “lagres.”
^ Oubyen “fidel,” “kapab depan lo la.”
^ Literalman, “Ouver ou zorey.”
^ Oubyen “pare pour pardonnen.”
^ Oubyen “sa ki mon anvi.”
^ Juniper an Angle.
^ Sa i en kalite pye dibwa ki son fey i listre e ki son fler blan i santi bon. Myrtle an Angle.
^ Oubyen “pou fer en non pour Zeova.”
