[Nawong sa Diyos].

1. Ang “amahan ni Gedor” sa tribo ni Juda. (1Cr 4:​1, 4) Sanglit ang Gedor makita ingong ngalan sa usa ka lungsod sa Juda, si Penuel lagmit mao ang magtutukod niini o ang katigulangan sa mga molupyo niini.

2. Usa ka pangulo sa banay sa tribo ni Benjamin nga nanimuyo sa Jerusalem; anak nga lalaki ni Sasak.​—1Cr 8:​1, 25, 28.

3. Usa ka siyudad sa H sa Jabok. Sa panahon sa mga Maghuhukom, si Gideon nangayog pagkaon gikan sa mga tawo sa Penuel aron ang iyang kasundalohan makapadayon sa paggukod sa mga hari sa Midian, apan ang mga taga-Penuel midumili, nga tungod niana si Gideon sa ulahi nagtumpag sa ilang torre ug nagpatay sa tanan nilang mga tawo. (Huk 8:4-9, 17) Wala na hisgoti pag-usab ang Penuel hangtod nga kini “gitukod” pag-usab o kaha gipalig-on ni Haring Jeroboam I.​—1Ha 12:25.

Ang Penuel sagad gituohan nga mao ang Tulul edh-Dhahab esh-Sherqiyeh, mga 6 km (3.5 mi) sa S sa Sucot ug duol sa Jabok, mga 14 km (8.5 mi) o kapin pa sa AS gikan sa dapit nga magtagbo kini ug ang suba sa Jordan. May mga timailhan nga kini nakutaan pag-ayo ug maayong pagkapuwesto aron makontrolar ang agianan pasulod sa lugot sa Jabok nga nagpaingon sa kasadpan ngadto sa Jordan.​—Tan-awa ang PENIEL.