Ang ikaduhang ginganlan sa tulo ka anak nga lalaki ni Levi (Gen 46:11; Ex 6:16; 1Cr 6:1) ug amahan ni Amram, Izar, Hebron, ug Uziel. (Ex 6:18; Num 3:19; 1Cr 6:2) Siya ang katigulangan sa mga Kohatnon, usa sa tulo ka pangunang mga dibisyon sa mga Levihanon. (Num 3:​17, 27) Lagmit siya natawo sa yuta sa Canaan ug gitala nga lakip sa 66 ka kalag nga “miuban kang Jacob sa Ehipto.” (Gen 46:​8, 11, 26; apan, tan-awa ang BENJAMIN Num. 1.) Ang mga kaliwat ni Kohat naglakip kang Moises, Aaron, Miriam (Ex 6:​18, 20; Num 26:​58, 59), ug sa rebelyosong si Kore. (Num 16:1-3) Si Kohat nabuhi sulod sa 133 ka tuig.​—Ex 6:18.