[Heb., kus·seʹmeth].

Usa ka ubos nga matang sa trigo, nga ang mga lugas dili daling matangtang gikan sa tipaka niini. Sa karaang panahon ang espelta (Triticum spelta) gitanom didto sa Ehipto (Ex 9:32), nga sumala sa Gregong historyador nga si Herodotus (II, 36, 77), kini gihimong tinapay. (Tan-awa ang Eze 4:9.) Lagmit nga gitanom kini sa mga Israelinhon ingong utlanan palibot sa ilang kaumahan nga magsilbing koral.​—Isa 28:25.