[Anak nga Lalaki].

1. Usa ka Levihanong maghohoni sa adlaw ni David nga mikuyog sa pagdala sa arka sa pakigsaad ngadto sa Jerusalem.​—1Cr 15:​15, 18.

2. Ang Hebreohanong prefix nga ben kasagarang makita diha sa mga ngalan sama sa Benjamin (nagkahulogang “Anak sa Tuong Kamot”) o Ben-ami (nagkahulogang “Anak sa Akong Katawhan [nga mao, mga paryente]”). Katumbas kini sa bar diha sa Aramaikong mga ngalan sama sa “Barnabas” ([sa Cebuano, Bernabe] nga nagkahulogang “Anak sa Paghupay”). (Buh 4:36) Subsob usab kini nga gigamit sa paghubit sa mga relasyon gawas pa sa relasyon tali sa ginikanan ug anak, sama pananglit sa rasa, “mga anak sa [benehʹ] Israel,” “mga anak sa mga Cusihanon” (2Cr 35:17; Am 9:7); sa dapit, “mga anak sa sakop nga distrito” (Esd 2:1); o sa kahimtang, “mga anak sa pagkabatan-on,” “mga anak sa pagkadili-matarong” (Sal 127:4; Os 10:9).