[lagmit nga usa ka pag-usab sa Baal-zebub, nga nagkahulogang “Tag-iya sa mga Langaw,” ang Baal nga gisimba sa mga Filistehanon didto sa Ekron. Ang Beelzeboul ug Beezeboul, nga gibaylobaylo sa paggamit, lagmit nagkahulogang “Tag-iya sa Halangdong Puloy-anan (Pinuy-anan)”; o, kon gamiton ang gamayng kalainan sa dili-Biblikanhong Heb. nga pulong nga zeʹvel (kinalibang), nagkahulogang “Tag-iya sa Kinalibang”].

Ang “Beelzebub” maoy usa ka ngalan nga gipadapat kang Satanas nga prinsipe, o magmamando, sa mga demonyo. Ang relihiyosong mga pangulo mapasipalahong nag-akusar kang Jesu-Kristo nga siya kuno naghingilin ug mga demonyo pinaagi kang Beelzebub.​—Mat 10:25; 12:24-29; Mar 3:22-27; Luc 11:15-19; tan-awa ang BAAL-ZEBUB.