[Taga- (Iya sa) Asdod].

Usa ka molupyo sa Filistehanong siyudad sa Asdod. (Jos 13:3) Sama sa ubang mga Filistehanon, ang mga Asdodnon maoy mga kaliwat ni Ham pinaagi kang Mizraim ug Casluhim, nga miabot sa Canaan lagmit gikan sa pulo sa Creta.​—Gen 10:​6, 13, 14; Am 9:7; tan-awa ang ASDOD; FILISTIA, FILISTEHANON.

Sa Nehemias 13:24 ang terminong “Asdodnon” gigamit usab sa pagtumong sa ilang pinulongan. Tungod sa pagkawalay rekord bahin sa ilang sinultihan, dili matino kon gigamit pa ba nila ang karaang Filistehanong pinulongan o ang usa ka diyalekto tungod sa pagkailalom sa langyawng pagmando sulod sa kasiglohan.