Obadias 1:1-21
1 An bisyon ni Obadias:*
Ini an sinabi kan Soberanong Kagurangnan* na Jehova manungod sa Edom:+
“May nadangog kaming mensahe hali ki Jehova,Sarong mensahero an isinugo sa mga nasyon:
‘Maghanda kita para makipaglaban sa saiya.’”+
2 “Hilinga! Ginibo takang daing halaga sa tahaw kan mga nasyon;Hinamak ka nin lubos.+
3 Dinaya ka kan kapangahasan kan saimong puso,+Ika na nag-iistar sa mga tagong lugar kan dakulang gapoAsin nag-iirok sa halangkaw na lugar, na nagsasabi sa saimong puso,‘Siisay an makakapabagsak sako sa daga?’
4 Maski pa mag-istar ka sa halangkawon na lugar* arog kan agila,O ibugtak mo an saimong salagan* sa mga bituon,Ibabagsak taka hali diyan,” an sabi ni Jehova.
5 “Kun laugon ka nin mga parahabon,* mga tulisan sa banggi,(Malalaglag ka nin biyo!)*
Bakong an mga gusto sana ninda an saindang hahabunon?
O kun mga paragusi nin ubas an magdiyan sa saimo,Bakong mawalat sinda nin mga tada-tada?+
6 Hinalungkat nin lubos an pagsadiri ni Esau!
Kinurua gabos an mga nakatago niyang kayamanan!
7 Inalaw ka ninda pasiring sa linderos.*
Linansi ka kan saimong mga kaalyado.*
Nadaog ka kan mga nakikipagkatuninungan sa saimo.
An mga nagkakakan nin tinapay kaiba mo matáon* nin hikot sa irarom mo,Pero dai mo iyan mamamangno.
8 Sa aldaw na iyan,” an sabi ni Jehova,“Bako daw na lalaglagon ko an mga madunong duman sa Edom+Asin an mga may pakamansay duman sa kabukidan ni Esau?
9 Asin an saimong mga parapakilaban magkakatarakot nin grabe,+ O Teman,+Dahil an kada saro na nasa kabukidan ni Esau gagadanon.+
10 Huli sa kadahasan na ginibo sa tugang mong si Jacob,+Mapapano ka nin kasusupgan,+Asin mapapara ka sagkod lamang.+
11 Kan aldaw na nagtindog ka sana asin nagmiron,Kan aldaw na bihagon kan mga estranghero an saiyang hukbo,+Kan maglaog an mga dayuhan sa saiyang trangkahan asin magpaburunutan+ para pagbanga-bangaan an Jerusalem,Uminarog ka man sa sainda.
12 Dai ka dapat mag-ugma sa aldaw na may mangyaring maraot sa tugang mo,+Dai ka dapat maggaya-gaya sa aldaw na paraon an banwaan nin Juda,+Asin dai ka dapat maghambog sa aldaw na magsakit sinda.
13 Dai ka dapat maglaog sa trangkahan kan sakuyang banwaan sa aldaw kan saindang kapahamakan,+Dai ka dapat mag-ugma sa pagsakit niya sa aldaw kan saiyang kapahamakan,Asin dai mo dapat pakiaraman an saiyang kayamanan sa aldaw kan saiyang kapahamakan.+
14 Dai ka dapat magtindog sa mga pagsangahan nin dalan para gadanon an mga nagdudulag,+Asin dai mo dapat itao sa mga kaiwal an mga nakaligtas sa aldaw nin kasakitan.+
15 Huli ta an aldaw ni Jehova laban sa gabos na nasyon harani na.+
Kun anong ginibo mo, iyo man iyan an gigibuhon saimo.+
Kun paano mo trinatar an iba, arog ka man kaiyan tatrataron.
16 Huli ta kun paanong nag-inom kamo sa sakuyang banal na bukid,An gabos na nasyon padagos man na mainom.+
Mainom sinda asin malagok,Asin mawawara sinda na garo dai sinda kasuarin man nag-eksister.
17 Pero an mga nakadulag maduman sa Bukid nin Sion,+Asin magigin banal iyan;+Asin mababawi kan mga gikan* ni Jacob an mga bagay na sadiri ninda.+
18 Magigin sarong kalayo an mga gikan ni JacobAsin sarong laad an mga gikan* ni Jose,Asin magigin garo pinaggapasan an mga gikan* ni Esau;Susuluon ninda sinda asin tutumtumon,Asin mayong makakaligtas sa mga gikan ni Esau,+Huling si Jehova mismo an nagsabi kaini.
19 Magigin sadiri ninda an Negeb saka an kabukidan ni Esau,+An Sefela saka an daga kan mga Filisteo.+
Magigin sadiri ninda an kadagaan kan Efraim saka an kadagaan kan Samaria,+Asin magigin sadiri kan Benjamin an Gilead.
20 Magigin sadiri kan mga puwersahan na pinahali sa kutang ini,*+An banwaan nin Israel, an daga kan mga Canaanita sagkod sa Zarefta.+
Asin magigin sadiri kan mga puwersahan na pinahali sa Jerusalem, na nasa Sefarad, an mga siyudad kan Negeb.+
21 Asin an mga paraligtas matukad sa Bukid nin SionTanganing hukuman an kabukidan ni Esau,+Asin an pagkahadi magigin ki Jehova.”+
Mga Nota
^ Nangangahulugan na “Lingkod ni Jehova.”
^ O posibleng “maglayog ka nin halangkaw.”
^ O “tataghan.”
^ O “mahàbas.”
^ O posibleng “Gurano kadakul an saindang madedestroso?”
^ O “mataan; malaag.”
^ O “kan mga nakipagtipan saimo.”
^ O “sagkudan.”
^ Sa literal, “kan harong.”
^ Sa literal, “an harong.”
^ Sa literal, “an harong.”
^ O “sa pader na ini na may matibay na depensa.”
