Mikas 3:1-12
3 Sinabi ko: “Magdangog tabi kamo, kamong mga pamayo kan banwaan ni JacobAsin kamong mga komandante kan banwaan* nin Israel.+
Bako daw na aram dapat nindo kun ano an makatanusan?
2 Pero ikinakaungis nindo an marahay+ asin namumutan an maraot;+Inaanitan nindo an sakuyang banwaan asin pigtutuklap an laman sa saindang mga tulang.+
3 Kinakakan man nindo an laman kan sakuyang banwaan+Saka inaanitan sinda,Asin pinapasa nindo an mga tulang ninda saka rinurunot an mga iyan,+Kapareho kan pigluluto sa lutuan,* siring sa karne na nasa lutuan.
4 Sa panahon na iyan, maapod sinda ki Jehova para maghagad nin tabang,Pero dai siya masimbag sa sainda.
Itatago niya an lalawgon* niya sa sainda sa panahon na iyan,+Dahil sa mararaot na gibo ninda.+
5 Ini an sinabi ni Jehova laban sa mga propeta na naglalagalag sa sakuyang banwaan,+Na nagdedeklarar nin ‘Katuninungan!’+ mantang may nakakagat* an saindang mga ngipon+Pero nagdedeklarar* nin giyera laban sa saro na mayo nin ihinuhungit sa nguso ninda:
6 ‘Mabanggi sa saindo,+ pero dai kamo makakahiling nin bisyon;+Kadikluman sana an mahihiling nindo, asin dai kamo makakahula.
Masulnop an saldang* sa mga propeta,Asin magigin madiklom an aldaw sa sainda.+
7 Mapapasupog an mga bisyonaryo,+Asin masusudya an linalauman kan mga parahula.
Tatahuban ninda gabos an saindang bigote,*Huli ta mayo nin simbag hali sa Diyos.’”
8 Pero ako, pano ako nin puwersa paagi sa espiritu ni Jehova,Asin nin hustisya saka kusog,Para sabihon sa Jacob an saiyang pagrebelde asin sa Israel an saiyang kasalan.
9 Danguga tabi nindo ini, kamong mga pamayo kan banwaan* ni JacobAsin kamong mga komandante kan banwaan nin Israel,+Na nababaldi sa hustisya asin ginigibong biko an gabos na tanos,+
10 Na nagtutugdok sa Sion paagi sa pagpabulos nin dugo asin sa Jerusalem paagi sa karatan.+
11 An saiyang mga lider* naghuhusgar para sa suhol,+An saiyang mga saserdote nagtutukdo na may bayad,+Asin an saiyang mga propeta naghuhula karibay nin kuwarta.*+
Pero nagsasarig pa man giraray sinda ki Jehova,* na sinasabi:
“Bakong nasa kaibanan ta si Jehova?+
Mayong kapahamakan na maabot sa sato.”+
12 Kaya dahil saindo,An Sion aaraduhon na garo uma,An Jerusalem magigin tambak na kagabaan,+Asin an bukid kan Harong* magigin siring sa haralangkaw na lugar sa kadlagan.*+
Mga Nota
^ Sa literal, “harong.”
^ O “lutuan na dakula an bunganga.”
^ O “pandok.”
^ O posibleng “pag may mangunguya.”
^ Sa literal, “nagpapabanal.”
^ O “aldaw.”
^ O “nguso.”
^ Sa literal, “harong.”
^ O “naghihingako pa man giraray sinda na nagsasarig sinda ki Jehova.”
^ O “pirak.”
^ Sa literal, “payo.”
^ O “an bulod na kinatutugdukan kan templo.”
^ O “siring sa makahoy na ibabaw nin kabukidan.”
