Jonas 2:1-10
2 Dangan namibi si Jonas ki Jehova na saiyang Diyos mantang nasa laog siya kan tulak kan sira,+
2 asin sinabi niya:
“Sa sakuyang kapurisawan nag-apod ako ki Jehova, asin sinimbag niya ako.+
Sa kairaruman* kan Lubungan* naghagad ako nin tabang.+
Nadangog mo an boses ko.
3 Kan ihulog mo ako pasiring sa kairaruman, pasiring sa pusod* kan kadagatan,Inanod ako kan mga sulog.+
Linantupan ako kan gabos mong makusog na mga alon.+
4 Asin sinabi ko, ‘Pinahali ako sa atubangan mo!
Paano ko mapagmamasdan giraray an saimong banal na templo?’
5 Linantupan ako nin katubigan asin nameligro an sakuyang buhay,*+Luminubog ako sa hararom na katubigan.
Napuruputan nin mga duot* an sakuyang payo.
6 Luminubog ako sagkod sa kairaruman kan kabukidan.
Isinasara na sa sako sagkod lamang an mga pambarat kan daga.
Pero hinawas mo akong buhay hali sa kairaruman,* O Jehova na sakuyang Diyos.+
7 Kan an buhay* ko luway-luway nang napapara, si Jehova an sakuyang nagirumduman.+
Dangan nakaabot saimo an pamibi ko, sa laog kan saimong banal na templo.+
8 Tinatalikdan kan mga nagsasamba sa daing serbing mga idolo an saro na nagpapahiling sa sainda nin maimbod na pagkamuot.*
9 Pero ako, papasalamatan taka asin maatang ako sa saimo.
An iprinomesa ko, uutubon ko.+
Hali ki Jehova an kaligtasan.”+
10 Paghaloy-haloy, sinugo ni Jehova an sira na iluwa si Jonas sa baybayon, asin iyan an ginibo kaiyan.
