Bu gün xəbər başlıqlarının əsas mövzusunu nifrətdən qaynaqlanan acı sözlər, cinayətlər, etnik münaqişələr və müharibələr təşkil edir.

•    «İsrail və Qəzzə arasındakı münaqişədən qaynaqlanan və ekstremistlər tərəfindən daha da qızışdırılan nifrət dolu sözlər və çıxışlar sosial mediada geniş yayılıb» («Nyu-York Tayms», 15 noyabr 2023-cü il).

•    «Oktyabrın 7-dən bəri dünyada nifrətdən qaynaqlanan acı sözlərin və cinayətlərin sayında kəskin artım müşahidə olunur» (Dennis Fransis, BMT Baş Assambleyasının prezidenti, 3 noyabr 2023-cü il).

 Nifrət dolu sözlər, zorakılıq və müharibə yeni bir şey deyil. Müqəddəs Kitabda «acı sözlərini ox kimi hədəfə [tuşlayan]», müharibə və zorakılıq törədən keçmişdə yaşamış insanlardan danışılır (Zəbur 64:3; 120:7; 140:1). Bununla belə, Müqəddəs Kitabda deyilmişdi ki, bizim günlərdə nifrət daha da artacaq.

Nifrət — dövrümüzün əsas əlaməti

 Müqəddəs Kitabda bizim günlərdə nifrətin nəyə görə artacağının iki səbəbi açıqlanır.

1.  1. Orada əvvəlcədən yazılmışdı ki, bizim günlərdə «əksər insanlarda məhəbbət soyuyacaq» (Mətta 24:12). İnsanlar bir-biri ilə məhəbbətlə yox, nifrətlə davranacaqlar (2 Timutiyə 3:1—5).

2.  2. Dünyanın nifrətlə dolması onun Şeytan İblisin güclü təsiri altında olduğunu göstərir. Müqəddəs Kitabda deyilir ki, «bütün dünya... Şəririn əlindədir» (1 Yəhya 5:19; Vəhy 12:9, 12).

 Bütün bunlara baxmayaraq, Müqəddəs Kitab vəd edir ki, Allah tezliklə nifrətə səbəb olan amillərin kökünü kəsəcək. Üstəlik, O, nifrətin səbəb olduğu bütün ağrı-acını aradan qaldıracaq. Müqəddəs Kitabda deyilir:

•    «Allah insanların gözlərindən bütün yaşları siləcək. Artıq ölüm olmayacaq. Nə dərd, nə fəryad, nə də ağrı olmayacaq, çünki əvvəlki şeylər keçib getdi» (Vəhy 21:4).