“上帝要擦掉他們的每一滴眼淚，不再有死亡，也不再有哀痛、呼號、痛苦。” ——啟示錄21:4，《新世界譯本》

我哋受苦絶對唔係上帝造成嘅。（雅各書1:13）

上帝完全明白我哋嘅痛苦，我哋可以得到佢嘅安慰。（撒迦利亞書2:8）

所有苦難一定會終止，人生係有希望嘅。（詩篇37:9-11）

係，至少有兩個理由：

• 上帝痛恨苦難同唔公正嘅事。喺古代，崇拜上帝嘅人曾經受人惡待，耶和華上帝有咩感覺呢？聖經話，上帝睇到佢哋“被人壓迫欺凌”，就覺得傷心難過。（士師記2:18）

  上帝憎恨人做壞事。例如，聖經話上帝憎恨“殺害無辜人的手”。（箴言6:16,17）

• 上帝關心我哋每一個人。唔係只有受苦嘅人先“知道自己嘅憂傷同痛苦”，耶和華都清楚知道！（歷代志下6:29,30）

  耶和華好快就會通過佢嘅王國，為我哋每一個人消除痛苦。（馬太福音6:9,10）而家，上帝亦都使每個真心尋求佢嘅人得到安慰。（使徒行傳17:27；哥林多後書1:3,4）