羅馬書 5:1-21
5 所以 ，我哋 既然 因為 信心 而 被 稱為 正義 嘅 人 *，就 應該 通過 *我哋 嘅 主 耶穌 基督 ，同 上帝 享有 和睦 嘅 關係 。
2 由於 我哋 對 基督 有 信心 ，我哋 得到 許可 ，可以 享有 上帝 嘅 分外恩典 *。我哋 既然 有 希望 得享 上帝 嘅 榮耀 ，就 應該 歡欣 *。
3 唔單止 噉 ，我哋 遭遇 患難 嗰陣 亦 都 應該 歡欣 *，因為 我哋 知道 ，患難 令 人 學 識 忍耐 ，
4 忍耐 令 人 得到 上帝 嘅 認可 *，人 得到 認可 就 有 希望 ，
5 呢個 希望 唔會 令 人 失望 。因為 通過 上帝 賜 俾 我哋 嘅 神聖力量 ，佢 嘅 愛 已經 傾注 喺 我哋 心 入面 嘞 。
6 我哋 仲係 軟弱 *嗰陣 ，基督 就 喺 指定 嘅 時候 為 罪人 *而 死 。
7 為 正義 嘅 人 死 ，幾乎 冇 人 肯 做 ；為 良善 嘅 人 死 ，或者 有 人 願意 *。
8 但係 我哋 仲係 罪人 嘅 時候 ，基督 已經 為 我哋 而 死 ，就係 噉樣 ，上帝 向 我哋 表明 咗 自己 嘅 愛 。
9 而家 我哋 既然 憑 住 基督 嘅 血 而 被 稱為 正義 嘅 人 *，就 可以 更加 確定 能夠 通過 佢 得救 ，唔 需要 承受 上帝 嘅 憤怒 。
10 由於 上帝 個 仔 嘅 死亡 ，我哋 仲係 上帝 嘅 敵人 嗰陣 ，就 可以 同 佢 和好 *。而家 我哋 已經 同 佢 和好 ，再 加上 佢 個 仔 係 活 著 嘅 *，我哋 就 更加 肯定 可以 得救 嘞 。
11 另外 ，我哋 歡欣 ，亦 都 係 因為 上帝 通過 主 耶穌 基督 做 嘅 一切 ，令 我哋 而家 就 同 佢 和好 。
12 罪 *通過 一 個 人 進入 世間 ，死 又 通過 罪 而 嚟 ，於是 死 就 傳 俾 所有 人 ，因為 人人 都 有 罪 。
13 未 有 摩西 法典 ，世上 已經 有 罪 嘞 。不過 ，由於 未 有 法律 ，就 冇 人 被 定罪 。
14 但係 由 亞當 到 摩西 嘅 日子 ，死亡 一直 好似 君王 噉 轄制 人 。雖然 世人 嘅 罪 同 亞當 犯 嘅 唔 同 ，世人 依然 一直 被 死亡 轄制 。亞當 同 之後 會 嚟到 嘅 嗰 一 位 相似 。
15 不過 ，罪 *同 恩賜 *帶 嚟 嘅 結果 就 好 唔 同 嘞 。一 個 人 嘅 罪 ，令 到 好 多 人 死 ；而 耶穌 基督 一 個 人 帶 嚟 嘅 分外恩典 ，就 令 到 好 多 人 都 得到 上帝 嘅 分外恩典 同埋 恩賜 *，獲得 無與倫比 嘅 *福分 ！
16 嗰 一 個 人 犯罪 同 上帝 俾 人 嘅 恩賜 *喺 另 一 方面 都 好 唔 同 。一 個 人 犯罪 ，最終 受 審判 ，被 定罪 ，而 上帝 嘅 恩賜 ，就 令 到 好 多 人 雖然 犯 咗 罪 ，仍然 可以 被 稱義 *。
17 由於 一 個 人 犯罪 ，死亡 就 因為 佢 而 成為 君王 ；由於 耶穌 基督 一 個 人 ，人 就 獲得 豐富 嘅 分外恩典 同埋 恩賜 *，成為 正義 嘅 人 ，噉 佢哋 就 更加 能夠 得享 生命 而 成為 君王 嘞 ！
18 所以 ，由於 一 次 犯罪 ，各種各樣 嘅 人 都 被 定罪 。同樣 ，由於 一 次 正義 嘅 舉動 *，各種各樣 嘅 人 都 被 稱義 *，得享 生命 。
19 因為 一 個 人 嘅 反叛 ，好 多 人 就 成為 罪人 。同樣 ，因為 一 個 人 嘅 服從 ，好 多 人 就 會 成為 義人 。
20 有 咗 摩西 法典 ，罪 就 越 嚟 越 多 *。不過 罪 越 多 ，分外恩典 亦 都 越 多 。
21 為咗 乜嘢 目的 呢 ？正如 罪 同 死亡 成為 君王 ，分外恩典 亦 都 因為 正義 而 成為 君王 ，令 人 因為 我哋 嘅 主 耶穌 基督 而 得享 永遠 嘅 生命 。
腳注
^ 又譯「稱義」。
^ 亦可以譯做「就通過」。
^ 又譯「......有一條道路為我哋打開，令我哋得以進入而家享有嘅呢種分外恩典」。
^ 亦可以譯做「就歡欣」。
^ 亦可以譯做「亦都歡欣」。
^ 又譯「悅納」。
^ 又譯「有罪」。
^ 又譯「唔尊重上帝嘅人」。
^ 又譯「敢做」。
^ 又譯「稱義」。
^ 又譯「再加上因為佢個仔嘅生命」。
^ 和好，又譯「做朋友」。
^ 指亞當嘅罪。
^ 又譯「禮物」。
^ 又譯「佢無償俾人嘅禮物」。
^ 又譯「滿滿嘅」。
^ 又譯「無償俾人嘅禮物」。
^ 又譯「稱為正義嘅人」。
^ 恩賜，又譯「無償俾人嘅恩賜」。
^ 指嘅係耶穌嘅一生，包括佢犧牲生命。
^ 意思係，法典令人意識到自己犯咗好多罪。
