馬太福音 6:1-34
6 「你哋 要 小心 ，唔好 為咗 引 人 注意 ，而 喺 人哋 面前 做 好事 。如果 唔係 ，你哋 就 唔會 得到 天父 嘅 獎賞 。
2 所以 ，你 接濟 窮人 嘅 時候 ，唔好 咁 張揚 *，唔好 學似 嗰啲 虛偽 嘅 人 噉 ，喺 會堂 同 街道 噉樣 做 ，想 人哋 讚 佢哋 。我 可以 好 肯定 噉 講 ，佢哋 嘅 獎賞 就係 得 咁 多 嘞 。
3 你 接濟 窮人 嘅 時候 ，唔好 俾 左手 知道 右手 做 緊 啲 乜嘢 。
4 幫 人 嘅 時候 ，唔好 俾 人 睇 到 。噉 你 睇 唔 見 嘅 天父 見 到 ，就 會 獎賞 你 。
5 「你哋 禱告 嗰陣 ，唔好 好似 嗰啲 虛偽 嘅 人 噉 。佢哋 禱告 嘅 時候 ，鍾意 企 喺 會堂 同埋 大街 嘅 路口 ，想 俾 其他 人 睇 到 。我 可以 好 肯定 噉 講 ，佢哋 嘅 獎賞 就係 得 咁 多 嘞 。
6 禱告 嗰陣 ，反而 要 走入 自己 間 房 ，閂 埋 道 門 之後 ，私底下 向 你 嘅 天父 禱告 。噉 你 睇 唔 見 嘅 天父 *見 到 ，就 會 獎賞 你 。
7 禱告 嗰陣 ，唔好 好似 外族人 *噉樣 ，講 嚟 講 去 都 係 同樣 嘅 嘢 。佢哋 以為 講 得 多 ，神 就 會 聽 。
8 所以 ，唔好 好似 佢哋 噉 ，其實 就算 你哋 仲 未 求 ，天父 已經 知道 你哋 需要 啲 乜嘢 嘞 。
9 「所以 ，你哋 要 噉樣 禱告 ：
「『天上 嘅 爸爸 ，我哋 祈求 你 嘅 名 受到 尊重 ，被 視為 神聖 *。
10 我哋 祈求 你 嘅 王國 嚟到 施行 統治 ，求 你 嘅 旨意 喺 地上 實現 ，就 好似 喺 天上 一樣 。
11 求 你 賜 我哋 今日 需要 嘅 食物 俾 我哋 。
12 求 你 寬恕 我哋 嘅 罪 *，就 好似 我哋 寬恕 嗰啲 得罪 我哋 嘅 人 *一樣 。
13 面對 引誘 嗰陣 ，求 你 幫助 我哋 唔好 屈服 ，喺 撒但 *嗰度 拯救 我哋 出嚟 。』
14 「如果 人哋 做 錯 咗 ，你哋 寬恕 佢哋 ，噉 天父 都 會 寬恕 你哋 ；
15 但係 如果 人哋 做 錯 咗 ，你哋 唔 肯 寬恕 ，噉 天父 都 唔會 寬恕 你哋 。
16 「你哋 禁食 嗰陣 ，唔好 好似 嗰啲 虛偽 嘅 人 噉 ，扮 到 好 慘 。佢哋 揦 埋 口 面 *，係 想 俾 人 知道 佢哋 禁食 緊 。我 可以 好 肯定 噉 講 ，佢哋 嘅 獎賞 就係 得 咁 多 嘞 。
17 你 禁食 嗰陣 ，反而 要 搽 油 喺 個 頭 度 *，亦 都 要 洗 面 。
18 噉 你 禁食 就 唔係 做 俾 人 睇 ，而 係 俾 天父 *睇 。你 睇 唔 見 嘅 天父 見 到 ，就 會 獎賞 你 。
19 「你哋 唔好 再 為 自己 喺 地上 儲儲埋埋 咁 多 財寶 喇 ，因為 喺 地上 有 蟲 蛀 *，會 生鏽 ，亦 都 有 賊 入 屋 嚟 偷 。
20 相反 ，要 為 自己 喺 天 上面 累積 財寶 ，喺 天上 冇 蟲 蛀 ，唔會 生鏽 ，亦 都 唔會 有 賊 去 偷 。
21 你 嘅 財寶 喺 邊度 ，你 嘅 心 亦 都 喺 邊度 。
22 「眼睛 係 身體 嘅 燈 。如果 你 目光 專注 喺 一樣 嘢 *，全身 都 會 光明 ；
23 但係 ，如果 你 好 貪心 ，目光 放 喺 好 多 樣 嘢 上面 *，你 全身 都 會 黑暗 ，如果 你 裡面 嘅 光 本身 就係 暗 嘅 ，噉 就 真係 非常之 暗 嘞 ！
24 「冇 人 可以 做 兩 個 主人 嘅 奴隸 ，佢 一 係 憎恨 *呢個 ，鍾意 嗰個 ；一 係 就 忠於 一 個 ，睇 唔 起 另 一 個 。你哋 唔 能夠 做 上帝 嘅 奴隸 ，又 做 財富 嘅 奴隸 。
25 「所以 我 話 俾 你哋 知 ，唔好 再 憂慮 食 啲 乜嘢 、飲 啲 乜嘢 、著 啲 乜嘢 。生命 唔係 比 食物 更加 重要 咩 ？身體 唔係 比 衣著 更加 重要 咩 ？
26 細心 觀察 天上 嘅 雀仔 吖 。佢哋 冇 撒種 ，冇 收割 ，亦 都 冇 儲 食物 入去 穀倉 ，不過 你哋 嘅 天父 都 餵飽 佢哋 ，你哋 唔係 比 雀仔 更加 寶貴 咩 ？
27 憂慮 可 唔 可以 令 你哋 嘅 壽命 延長 一啲 *吖 ？
28 另外 ，你哋 又 使 乜 憂慮 著 乜嘢 呢 ？你哋 要 仔細 觀察 野外 嘅 百合花 ，睇 吓 啲 花 點樣 生長 。啲 花 唔使 日 做 夜 做 ，唔使 紡織 ；
29 但係 我 話 俾 你哋 知 ，就算 喺 所羅門 嘅 繁榮 盛世 ，佢 所 著 嘅 都 唔 及 呢啲 花 嘅 其中 一 朵 咁 靚 ！
30 喺 野外 嘅 花草 樹木 ，今日 仲 喺度 ，聽日 就 俾 人 攞 咗 去 燒 嘞 ，上帝 都 賜 咁 靚 嘅 衫 俾 佢哋 ，更 何況 你哋 ？點解 要 咁 冇 信心 呢 ？
31 所以 ，千祈 唔好 憂慮 ，問 ：『我哋 食 乜嘢 ？』『飲 乜嘢 ？』『著 乜嘢 呀 ？』
32 呢 一切 都 係 世界 嘅 人 *努力 追求 㗎 。你哋 需要 呢啲 嘢 ，你哋 嘅 天父 係 知道 㗎 。
33 「要 一直 將 上帝 嘅 王國 同埋 上帝 視為 啱 嘅 事 擺 喺 第 一 位 ，噉 所有 你哋 需要 嘅 嘢 ，佢 都 會 賜 俾 你哋 。
34 所以 ，千祈 唔好 為 聽日 憂慮 ，聽日 有 聽日 嘅 憂慮 。每 一 日 嘅 難題 已經 夠 多 嘞 *。」
腳注
^ 又譯「唔好先吹響號筒」。
^ 又譯「暗中嘅爸爸」或「肉眼睇唔見嘅爸爸」。
^ 又譯「列國嘅世人」。
^ 受到尊重，被視為神聖，又譯「彰顯為聖」或「被尊為聖」。
^ 直譯「債」。
^ 直譯「欠我哋債嘅人」。
^ 直譯「嗰個惡者」。
^ 又譯「唔整理儀容」。
^ 猶太人搽油喺個頭度，令人睇出佢哋儀容整潔。
^ 又譯「暗中嘅爸爸」或「肉眼睇唔見嘅爸爸」。
^ 譯做「蟲」嘅希臘語詞指一種會食布嘅飛蛾。
^ 又譯「你嘅眼睛焦點清晰」，直譯「眼睛簡單」。
^ 好貪心，目光放喺好多樣嘢上面，直譯「眼睛唔好」或「眼睛邪惡」。
^ 又譯「討厭」。
^ 又譯「其他國族嘅人」。
^ 又譯「淨係諗今日嘅難題就夠嘞」。
