AN TALINGTINGAN, o bar-tailed godwit ha Ingles, an usa han pinakaurusahon nga tamsi kon may kalabotan ha pagnabigar. An 11,000 ka kilometro ginlulupad la hito hin sobra walo ka adlaw.

Tagda ini: Nasiring an mga parasaliksik nga ginagamit han pipira nga klase han tamsi, pariho han talingtingan, an magnetic field han tuna ha pagnabigar, nga sugad hin may kompas ito ha utok. Posible liwat nga ginagamit hito an adlaw ngan an mga bitoon sugad nga giya. Baga liwat hin naabat ito kon may tiarabot nga bagyo ngan ginpapahimulosan an hangin basi makabuylo ha paglupad. Pero nahipapausa la gihap an mga syentista kon paonan-o ginhihimo hini nga mga tamsi inin urusahon nga pagnabigar. “Bainte ka tuig na nga gin-inistudyohan ko ito,” siring han biologo nga hi Bob Gill, “pero nahipapausa la gihap ako tubtob yana.”

Ano ha Imo Panhunahuna? An sistema ba han pagnabigar han talingtingan produkto han ebolusyon, o may nagdesinyo hito?