An paghaguros han upat nga mangangabayo usa han pinakapopular nga senaryo ha libro han Pahayag. An pipira nahahadlok hito, kondi an iba interesado hito. Tigamni an siring han Biblia mahitungod ha sugad nga mga tagna:

“Malipayon an nagbabasa ha daku nga tingog ngan namamati han mga pulong hini nga tagna.”​—Pahayag 1:3.

Ginhihisgotan hini nga gowa han An Barantayan kon kay ano nga an paghaguros han upat nga mangangabayo mahimo mangahulogan hin maopay nga sumat para ha aton.