Kaatolike oduwaa kifilee yootiyoogaadan, Laappune 25, 22 M. L. Geeshsha PHeexiroosa Bazilika giyo sohuwan deˈiya issi prograamiyan Qeesetu halaqaa Firansiskkoy Mayraami misiliyaa sinttan “qilimmi hokkidi woossees.” Sarotettaa immana mala I “Mayraamo woossees.” Baatikaane oduwaa irpporttee gujjidi hagaadan giis; “He qeesetu halaqay mule asawu, ubba qassi Ruusiyaanne Yukireene biittaa xeelliyaagan Mayraami wozanay qarettana mala woossiis.”

 Ne qofay aybee? Misiletu sinttan woossiyoogee woy goynuwawu eta goˈettiyoogee likkee? Kaallidi deˈiya Geeshsha Maxaafaa paydota beˈa.

•   “Bolla saluwan de7iyaabaa, woikko garssa sa7an de7iyaabaa, woikko sa7aappe garssan haatta giddon de7iyaabaa aibanne malatissada neeyyo goinniyo misileta kessoppa. Etayyo hokkoppa woikko etayyo goinnoppa. Aissi giikko, taani, GODAI ne Xoossai qanaatiya Xoossaa; tana ixxiyaageeta aawatu nagaraa gishshau, naata heezzantto yeletaanne oiddantto yeletaa gakkanaassi qaxxayiyaagaa.”—Kessaabaa 20:4, 5. a

•   “SHin eta eeqati biranne worqqa; eti asa kushen merettidaageeta. Etau doonai de7ees; shin haasayokkona; aifee de7ees; shin xeellokkona. Etau haittai de7ees; shin siyokkona; siiree de7ees; shin singgokkona. Etau kushee de7ees; shin oiqqi xeellokkona; tohoikka de7ees; shin hemettokkona; eti bantta qooriyaara cenggurssaa sissokkona. Eta medhdhiyaageetinne etan ammanettiyaageeti ubbai eta mala gidona.”—Mazamure 115:4-8.

•   “Taani GODAA; hegee ta sunttaa. Ta bonchchuwaa taani harau immikke; ta galataakka masettidi giigida misiletussi immikke.”—Isiyaasa 42:8.

•   “Hegaa gishshau, ta siiqotoo, eeqassi goinniyoogaappe baqatite.”—1 Qoronttoosa 10:14.

•   “Eeqatuppe intte huuphiyaa naagite.”—1 Yohaannisa 5:21.

 Goynuwaassi misileta goˈettiyoogaa xeelliyaagan Geeshsha Maxaafay woygiyaakko gujjada eranawu, “Misileta—Geeshsha Maxaafaa Qofaa” giya huuphe yohuwaa nabbaba; woy Goynuwan Misiliyaa Goˈettiyoogee Xoossaa Ufayssii? giya biiduwaa beˈa.

 Neeni kaallidi deˈiya huuphe yohota xeelliyaagankka Geeshsha Maxaafay yootiyoobaa eranawu koyennan aggakka.

•   “Geelaˈiyo Mayraamo—Geeshsha Maxaafay O Xeelliyaagan Woygii?”

•   “Neeni Geelaˈee Mayraamikko Woossana Koshshii?”

•   “Sarotettay Saˈan Waanidi Yaanee?”

Photo credit: Vincenzo Pinto/AFP via Getty Images