Pfukelani kha mafhungo

Bugu Ya Nzumbululo—Zwine Ya Amba Zwone

Bugu Ya Nzumbululo—Zwine Ya Amba Zwone

Bivhili i a fhindula

Dzina ḽa Lugerika ḽa bugu ya Nzumbululo, A·po·kaʹly·psis (apocalypse), ḽi amba u “Fukula” kana u “Bvukulula.” Ḽeneḽi dzina ḽi sumbedza zwine Nzumbululo ya amba zwone—i fukula mafhungo e a vha o dzumbama na u bvukulula zwe zwa vha zwi tshi ḓo itea nga murahu ha musi yo no ṅwalwa hu kale. Vhunzhi ha vhuporofita hayo a vhu athu u ḓadzea.

Manweledzo a bugu ya Nzumbululo

Zwine zwa nga ri thusa u pfesesa bugu ya Nzumbululo

  1. Zwine yeneyo bugu ya zwi amba a zwi tshuwisi kha vhashumeli vha Mudzimu, zwi tou vha mafhungo maḓifha. Naho vhathu vhanzhi vha tshi dzhia ipfi “apocalypse” ḽi tshi amba khombo khulu, bugu ya Nzumbululo i thoma na u guma nga u amba uri vhane vha i vhala, u i pfesesa na u shumisa zwe vha zwi guda khayo vha ḓo vha na dakalo.Nzumbululo 1:3; 22:7.

  2. Nzumbululo i na “zwiga” zwinzhi, zwine zwa sa fanele u dzhiiwa nga ho livhaho.Nzumbululo 1:1.

  3. Vhunzhi ha zwithu zwine ha ambiwa nga hazwo kha bugu ya Nzumbululo kana zwiga, zwo no ambiwa nga hazwo kha dziṅwe bugu dza Bivhili:

  4. Mabono a amba nga ha “ḓuvha ḽa Murena,” ḽe ḽa thoma musi Muvhuso wa Mudzimu u tshi tikwa nga 1914 nahone Yesu a thoma u vhusa sa Khosi. (Nzumbululo 1:10) Nga zwenezwo, ri nga lavhelela u ḓadzea huhulwane ha Nzumbululo tshifhingani tshashu.

  5. U itela u pfesesa bugu ya Nzumbululo, ri fanela u vha na zwine zwa ri thusa u pfesesa dziṅwe bugu dza Bivhili, zwi ngaho vhuṱali vhune ra ṋewa nga Mudzimu na u thuswa nga vhane vha i pfesesa.Mishumo 8:26-39; Yakobo 1:5.