Zwililo 1:1-22
א [Aleph]
1 Zwino u dzula e eṱhe, ndi ene muḓi we wa vha wo ḓala nga vhathu!+
Zwino u vho nga tshilikadzi, ene we a vha e muhulwane* vhukati ha dzitshaka!+
Ene we a vha e mukololo kha mavundu,* o no vha phuli!+
ב [Beth]
2 Vhusiku u lila lu ṱungufhadzaho,+ miṱodzi ya ṋukadza marama awe.
A hu na na muthihi kha vhafunwa vhawe vhoṱhe ane a mu khuthadza.+
Khonani dzawe dzoṱhe dzo mu laṱa;+ dzo no vha maswina awe.
ג [Gimel]
3 Yuda o ya vhuthubwani+ e vhuṱunguni na vhupulini vhu vhavhaho.+
U fanela u dzula vhukati ha dzitshaka;+ ha wani vhuawelo.
Vhatovholi vhawe vhoṱhe vho mu kunda e vhuṱunguni hawe.
ד [Daleth]
4 Nḓila dza u ya Tsioni dzi khou lila, ngauri a hu na ane a khou ḓa vhuṱamboni.+
Khoro dzawe dzoṱhe dzo vunḓea,+ vhotshifhe vhawe vha khou pfa vhuṱungu.
Vhasidzana vhawe vho ṱungufhala, na ene u khou pfa vhuṱungu vhuhulu.
ה [He]
5 Maswina awe o no vha vhaṋe vhawe; maswina awe ha vhilaeli nga tshithu.+
Ngauri Yehova o mu ḓisela vhuṱungu nga nṱhani ha vhukhakhi hawe vhunzhi.+
Vhana vhawe vho iswa vhuthubwani nga swina.+
ו [Waw]
6 Vhugala hoṱhe a vhu tsheeho kha ṅwananyana wa Tsioni.+
Vhakololo vhawe vha nga ntsa dzi si na pfulo,Vha tshimbila vha si na nungo phanḓa ha vhatovholi vhavho.
ז [Zayin]
7 Yerusalema u a humbula misini ya vhuṱungu hawe na u sa vha hawe na haya,Zwithu zwoṱhe zwavhuḓi zwe a vha e nazwo maḓuvhani a kale.+
Musi vhathu vhawe vha tshi wela zwanḓani zwa swina e si na muthusi,+Maswina awe o mu vhona a sea ngauri o wa.+
ח [Heth]
8 Yerusalema o ita tshivhi tshihulu.+
Ndi ngazwo o vha tshithu tshi nengisaho.
Vhoṱhe vhe vha mu hulisa vha vho mu vhenga ngauri vho no mu vhonela.+
Ndi ngazwo a tshi ṱungufhala+ a ṱuwa o shona.
ט [Teth]
9 Zwiambaro zwawe zwi na tshika.
Ho ngo humbula nga ha vhumatshelo hawe.+
U wa hawe zwo mangadza; ha na mukhuthadzi.
Iwe Yehova, vhona vhuṱungu hanga, ngauri swina ḽo ḓihudza.+
י [Yod]
10 Swina ḽo dzhia lupfumo lwawe lwoṱhe.+
Ngauri o vhona tshaka dzi tshi dzhena nḓuni yawe khethwa,+Dze iwe wa dzi thivhela uri dzi si dzhene tshivhidzoni tshau.
כ [Kaph]
11 Vhathu vhawe vhoṱhe vha khou pfa vhuṱungu; vha khou ṱoḓa zwiḽiwa.*+
Vho renga zwiḽiwa nga zwithu zwavho zwavhuḓi, uri vha kone u tshila.
Lavhelesa, Iwe Yehova, u vhone uri ndi vho nga mufumakadzi* a si na mushumo.
ל [Lamed]
12 Naa inwi noṱhe ni fhiraho nga nḓila a ni ṱhogomeli tshithu?
Lavhelesani ni vhone!
Naa hu na vhuṱungu vhune ha fana na he nda vhu pfa,He Yehova a ita uri ndi vhu pfe musi o sinyuwa?+
מ [Mem]
13 O rumela mulilo u tshi bva ṱaḓulu uri u fhise marambo anga oṱhe.+
O mmbetshela mambule uri a fashe milenzhe yanga; o nkombetshedza u humela murahu.
O ita uri ndi vhe mufumakadzi o tshinyadzwaho.
Ndi ṱwa ndi tshi lwala.
נ [Nun]
14 Vhukhakhi hanga ho vhofhiwa sa dzhogo, ho vhofhiwa nga tshanḓa tshawe.
Ho hweswa kha mutsinga wanga, a thi tshee na nungo.
Yehova o nkumedzela zwanḓani zwa vhane nda si kone u lwa navho.+
ס [Samekh]
15 Vhanna vha re na maanḓa vha re tsini na nṋe, Yehova o vha laṱela kule.+
O nthambela tshivhidzo uri tshi ḓe tshi kwashekanye vhaṱhannga vhanga.+
Yehova o kandekanya ṅwananyana wa Yuda hune nḓirivhe dza sukiwa hone.+
ע [Ayin]
16 Ndi khou lila nga nṱhani ha zwenezwi zwithu;+ maṱo anga a tsengisa miṱodzi.
Ngauri muthu ane a nga nkhuthadza kana u nkhomolosa u kule na nṋe.
Vharwa vhanga a vha na fhulufhelo ngauri swina ḽo vha kunda.
פ [Pe]
17 Tsioni o imisela nṱha zwanḓa zwawe;+ ha na ane a mu khuthadza.
Yehova o rambela Yakobo maswina awe oṱhe o mu tangaho.+
Yerusalema o no vha fhethu hu vhengiwaho.+
צ [Tsade]
18 Yehova o luga,+ ndi nṋe we a shandukela ndaela dzawe.+
Thetshelesani inwi vhathu vhoṱhe, ni vhone vhuṱungu hanga.
Vhasidzana* na vhaṱhannga vhanga vho iswa vhuthubwani.+
ק [Qoph]
19 Ndo vhidzelela vhafunwa vhanga, fhedzi vho ntshandukela.+
Vhotshifhe vhanga na vhahulwane vhanga vha re muḓini vho lovha,Musi vha tshi khou ṱoḓa zwiḽiwa zwa u ḓitshidza.+
ר [Resh]
20 Iwe Yehova, vhona, ndo tsikeledzea zwihulu.
Thumbu* yanga i khou luṅwa-luṅwa.
Mbilu yanga i khou pfa vhuṱungu, ngauri ndo vha ḽishandukwa.+
Ngei nnḓa banga ḽi khou vhulaya;+ nga ngomu nḓuni ndi lufu.
ש [Shin]
21 Vhathu vho mpfa ndi tshi khou lila; a hu na ane a nkhuthadza.
Maswina anga oṱhe o pfa nga ha maṱungu anga.
O takala ngauri ndi iwe wo nḓiselaho zwenezwi.+
Ḓuvha ḽi ḓo ḓa ḽine ngaḽo wa ḓo vha ita zwe wa fhulufhedzisa,+ nga ḽeneḽo ḓuvha vha ḓo nga nṋe.+
ת [Taw]
22 Ngavhe u tshi vhona vhuvhi havho hoṱhe, wa vha fara nga nḓila i vhavhaho,+Samusi wo mpfara nga nḓila i vhavhaho nga nṱhani ha vhukhakhi hanga hoṱhe.
Ngauri vhuṱungu hanga ndi vhuhulu, mbilu yanga i khou vhavha.
