Yobo 13:1-28
13 “Maṱo anga o vhona zwenezwo zwoṱhe,Nḓevhe dzanga dzo zwi pfa nda zwi ṱalukanya.
2 Zwine na zwi ḓivha, na nṋe ndi a zwi ḓivha;A ni mphiri.
3 Ndi khwine ndi tshi amba na Ramaanḓaoṱhe;Ndi tama u ḓiimelela kha Mudzimu.+
4 Fhedzi inwi ni khou ntshata mazwifhi;Noṱhe ni madokotela a sa thusi nga tshithu.+
5 Ngavhe ni tshi tou fhumula,Zwo vha zwi tshi ḓo sumbedza uri no ṱalifha.+
6 Ndi humbela uri ni thetshelese zwine nda zwi amba,Ni thetshelese musi ndi tshi ḓiimelela.
7 Naa ni nga ambela Mudzimu zwi songo lugaho,Naa ni nga mu ambela zwa vhufhura?
8 Naa ni ḓo ima nae?*
Naa ni ḓo lingedza u imelela Mudzimu wa ngoho?
9 Arali Mudzimu a ni ṱola, naa u ḓo ni takalela?+
Naa ni nga mu fhura vhunga ni tshi fhura muthu?
10 Nga ngoho u ḓo ni kaidzaArali na lingedza u sumbedza tshiṱalula no dzumbama.+
11 Naa vhugala hawe a vhu ni tshuwisi?
Naa a vhu iti uri ni ofhe?
12 Zwine na amba zwa vhuṱali ndi mirero i si na mushumo;Zwiṱangu zwaṋu a zwo ngo khwaṱha, zwi fana na zwiṱangu zwa vumba.
13 Litshani u mphunga uri ndi kone u amba.
Zwi nngwelaho kha zwi nngwele!
14 Ndi ngani ndi tshi vhea vhutshilo hanga khomboniNda vhea vhutshilo hanga zwanḓani zwanga?
15 Naho a mmbulaya, ndi ḓo lindela;+Ndi ḓo ḓiimelela phanḓa hawe.
16 Ndi hone a tshi ḓo ntshidza,+Ngauri muthu a sa ofhi Mudzimu* a nga si ḓe phanḓa hawe.+
17 Thetshelesani nga vhuronwane zwine nda amba;Livhisani ṱhogomelo kha zwine nda amba.
18 Ndo ḓilugiselela u ya u senga;Ndi a ḓivha uri ndi khou amba ngoho.
19 Ndi nnyi ane a ḓo ṱaṱa khani na nṋe?
Arali nda fhumula ndi ḓo fa!*
20 Iwe Mudzimu, nṋee zwithu zwivhili fhedzi,*Uri ndi sa ḓo ḓidzumba phanḓa hau:
21 Bvisa tshanḓa tshau tshi lemelaho kha nṋe,Litsha u ntshutshedza nga zwithu zwau zwi ofhisaho.+
22 Mmbidzelele ndi ḓo aravha,Kana ndi ambe, iwe u fhindule.
23 Ndi vhufhio vhukhakhi hanga na zwivhi zwanga?
Ndzumbululele vhutshinyi hanga na tshivhi tshanga.
24 Ndi ngani u tshi dzumba tshifhaṱuwo tshau+Naa u ndzhia ndi swina ḽau?+
25 Ndi ṱari ḽi vhudzulwaho nga muya, ndi ngani u tshi ntshuwisa?
Ndi sokou vha ṱanga zwaḽo, ndi ngani u tshi mpandamedza?
26 Ngauri u dzula u tshi mpomoka zwithu zwivhi,U mpfisa vhuṱungu kha zwivhi zwe nda ita ndi tshee muswa.
27 Wo pata milenzhe yanga nga mabulannga,Wo ṱolisisa nḓila dzanga dzoṱhe,Wa tevhelela vhuṱala hoṱhe ha milenzhe yanga.
28 Muthu u nga tshithu tsho sinaho tshi si na mushumo,U fana na nguvho yo ḽiwaho nga muṱwa.*
